أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » استنهاض المنتظر عليه السلام
 الشعر الشعبي

المقالات استنهاض المنتظر عليه السلام

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/٠٩ المشاهدات المشاهدات: ١٤٧٩ التعليقات التعليقات: ٠

استنهاض المنتظر عليه السلام

جابر الكاظمي

الدنيه تاهت والطمع عاميها

 

يظهر ابن الحسن وايصفيها

 

يا گلب اترك دياجير الظلام
بيها متساوي الحلال ويه الحرام

 

ولا تضن الدنيه تمشي اعله المرام
وصار سافلها مثل عاليها

 

السافل اويه العالي صارن فد قياس
هيّه هيّه الناس مختلفت الناس

 

والخيانه اتغرست من الاساس
شفنه اولها وبعد تاليها

 

واللي چانت راضيه ابعاد وثمود
ابن ربعي وحرمله ردوا ردود

 

ترضه بحكام النصاري واليهود
ونفس ذيچ سيوفها ابايديها

 

بعده عرش يزيد ثابت عالحكم
چم عزيز وعلى الذله منرغم

 

وهالظلم مفترع من ذاك الظلم
هاي دنيه وبعد تدري شبيها

 

جزع صبري وما جزعت من الصبر
الصبر عالموعد احر من الجمر

 

بنتظار الغايب افنيت العمر
الجمره لو فاض الدمع يطفيها

 

واحنه جمرتنه متطفه بالنحيب
لا ولا علتنه تحتاج لطبيب

 

اشما نكثر الدمع يزداد اللهيب
بس ظهور الغايب ايداويها

 

گبل ميصيح اللسان الگلب صاح
تظن ويه جسومنه ظلت ارواح

 

يا فرع عدنان يا سر الفلاح
هالارواح اببرجك امغيبيها

 

بالمساجد تنظر الوادم حشود
راح ماضينه وبعد ما ظن يعود

 

مسلمين الشكل بالباطن يهود
والرعيه تيّهت راعيها

 

اشلون چان النه مجد يبن الحسن
على الأمه انضربت استار المحن

 

لچن يا وسفه تبدّل بالفتن
حيل ويه اللي جفت مهديها

 

آه لو بالناس يالغايب تريد
تلگه بيها شچم شمر وشچم يزيد

 

تنادي يا ثارات محزود الوريد
وچم عقيلة هاشم املوعيها

 

لو صدگ هالناس تتنه طلعتك
نفس هاي الگوم يسروا عمتك

 

چان سارت على منهج سيرتك
والسكينه ويه الظعن سابيها

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016