أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات وينك يغايبنه

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٨/٠٢/١٥ المشاهدات المشاهدات: ٣٣٩٩ التعليقات التعليقات: ٠

وينك يغايبنه

السيد عبد الخالق المحنة

وينك يغايبنه

طال الصبر مولاي وشقد صبرنه

 

وينك يغايبنه

يبن الحسن يالبيك آخر أملنه

 

 

 

وشـقد بعد عالضيم نصبر يغايب

حته الجبال إتطيح من هالمصايب

حل يومك و نرجاك تطلع تحاسب

وشما يطول الليل يطلع فجرنه

 

يبن الحسن يالبيك آخر أملنه

 

 

 

ما نصبر إعله اعتاب دمع المناير

ما نسكت امن الخوف لاجن أوامر

سامره من تنخاك يالبيها حاضر

سل سيفك إبيمناك وإعلن نصرنه

 

يبن الحسن يالبيك آخر أملنه

 

 

 

هاي القباب إتصيح من فجروها

ثارك يبو الثارات ما حسبوها

نفس الوعد كل يوم بس ما بنوها

ما ندري من يا صوب ناخذ حذرنه

 

يبن الحسن يالبيك آخر أملنه

 

 

 

بينه الذبح لا زال واعله الهويه

والكل مكان إنروح نفس القضيه

حته الطفل متهوم بالرافضيه

ما نخلص من السيف لآخر عمرنه

 

يبن الحسن يالبيك آخر أملنه

 

 

 

أصبح حلال اليوم دم اليحبكم

صحنه العجل مولاي طول صبركم

لو ما تجينه إتطول إيد التضدكم

وبكربلاء إتصير سامره عدنه

 

يبن الحسن يالبيك آخر أملنه

 

 

 

جف الحقد موجود وبكل مدينه

من كل جهات اليوم داروا علينه

من يحضر الطوفان إنتم سفينه

وبهمة السفان نعبر بحرنه

 

يبن الحسن يالبيك آخر أملنه

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016