أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات جينه مشاية

القسم القسم: الشعر الشعبي الشخص الكاتب: السيد عبد الخالق المحنّة التاريخ التاريخ: ٢٠١٧/٠١/٢٢ المشاهدات المشاهدات: ٩٤ التعليقات التعليقات: ٠

جينه مشاية

السيد عبد الخالق المحنة

ما نستراح ونسرع بممشانا

يا عباس رفت الراية

 

خولة ورقية وفاطمة ويانا

يا عباس جينه مشاية

 

يالله يا أطفال الوفا شيلوا رايتنا

خطوة رقية بالمشي بطول خطوتنا

على الراس واحنا وفاية

 

حتى الملايك تزدحم وي مسيرتنا

لو نستراح من التعب قوموا نادتنا

يا عباس جينه مشاية

 

نمشي ويسامرنا الدمع والدرب حسرة

وي كل طفل شفنا الحسن بأول النظرة

والإحساس دمعة وحجاية

 

بكل موكب نشاهد أثر لدمعة الزهرة

ويقله أبني بهالعمر وانقطع نحره

يا عباس جينه مشايه

 

استقبلنا حيدر بالنجف ما يضيعنا

لمن اجه علي الأكبر بيده ودعنا

ولا باس نتعب اهوايه

 

الحد ما وصلنا لكربلا ظل يتابعنا

نقرا شعارات المشي هوا يسمعنا

يا عباس جينه مشايه

 

كل خطوة نمشي نستمع يا هلا بيكم

وعيون ابو فاضل شابحه اعليكم

يا هالناس انتوا بحمايه

 

ياللي قصدتونا مشي الله يحميكم

جف الحمايتكم بقى وجف يحييكم

يا عباس جينه مشايه

 

يالرافع الراية انتبه لا تنزلها

وتقلك يحرسك علي ياللي شايلها

والإحساس كسرة أمرايه

 

زينب تباوع لك تظل ويا كافلها

هالراية تجرح ناظري من اصد إلها

يا عباس جينه مشايه

 

 ٢٠١٥ ميلادي

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017