أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » ما أسولف لك على گلبي إشحمل
 الشعر الشعبي

المقالات ما أسولف لك على گلبي إشحمل

القسم القسم: الشعر الشعبي الشخص الكاتب: الشيخ عبد الحسين أبو شبع التاريخ التاريخ: ٢٠١٩/٠٣/٠٥ المشاهدات المشاهدات: ١٤٩ التعليقات التعليقات: ٠

ما أسولف لك على گلبي إشحمل

الشيخ عبد الحسين أبو شبع

ما أسولف لك على گلبي إشحمل

أصبح ابهالحال ما جان الأمل

 

من مصايب من عقبكم يالأهل

إشلون هالدنيه صبح تاليها

 

 

 

چم مصيبه الشاهدتها إبكربله

وأتعبتني أيتامكم والعايله

ولا الشامت يا شبل عقد الوله

والشماته نارها إشيطفيها

 

إشلون هالدنيه صبح تاليها

 

 

 

شفت يبن أمي الكوفه والرجال

العاشت إبجود الأبو أيام وليال

لنها تتصدق يخويه إعله الأطفال

أيتام صارت بالسبي إتسميها

 

إشلون هالدنيه صبح تاليها

 

 

 

خويه گمت آخذ من إچفوف الأيتام

إشما أنطوها وأضرب إوجوه اللئام

گمت أصيح أطفال ولدتها الأكرام

إشلون لن تتصدقون إعليها

 

إشلون هالدنيه صبح تاليها

 

 

 

عگب هالمنظر الذوب چبدتي

ابمجلس إبن إزياد صارت وگفتي

گام كل راس اليجيه من إخوتي

إگبالنه يعرضها وإنصد ليها

 

إشلون هالدنيه صبح تاليها

 

 

 

قام يتمغض إبعرشه والغرور

إيصيح خلينه إخوتچ بالطف نحور

إيصيح مشينه الخيول إعله الصدور

إضلوع أخوچ إبخيلهه إمهشميها

 

إشلون هالدنيه صبح تاليها

 

 

 

وحمل هاي الروس كلها إعله الرماح

وإحنه وياها إبتعذيب الرواح

إسلكنه درب الشام وشچم طفل طاح

وچم يتيمه الوگعت إمعذبيها

 

إشلون هالدنيه صبح تاليها

 

 

 

عگب هالتعذيب والدرب البعيد

لن نشوف أرواحنه إبمجلس يزيد

ولنه يتلاعب إبراسك يا شهيد

إبخيزرانه إبراسك إمخليها

 

إشلون هالدنيه صبح تاليها

 

 

 

لن يريد إيبيع طفله إمن الأطفال

شافنه إيساره وإله صار المجال

الويل للدنيه الذي إترقي الأنذال

أنذال أهل وجدان شيسويها

 

إشلون هالدنيه صبح تاليها

 

 

 

وبعد هالديوان شيصير المصير

صرنه بخرابة الشام ونستجير

شافتك بالطيف طفله بالضمير

فزّت إتريدك يالمربيها

 

إشلون هالدنيه صبح تاليها

 

 

 

سمع صرخات اليتيمه ويلتفت

إيزيد لصحابه ويگول إتشوشت

ودوا ليها راس أبوها بالطشت

خل تحاچيه راس ميحاچيها

 

إشلون هالدنيه صبح تاليها

 

 

 

جِنه إعله الطفله وماتت بالأثر

ويه مال الراس شبحت بالنظر

ولا فرد صوت إعله هالطفله إنكسر

بالسياط إسياطها إمكسريها

 

إشلون هالدنيه صبح تاليها

 

 

 

اليوم إجينه بالدموع اللي تهل

الكربله وإنريد عنك نرتحل

وهاي أم الطفل تنشد عالطفل

وين جثة طفلك إمواريها

 

إشلون هالدنيه صبح تاليها

 

 

 

عافت النبله إبرگبته إعله الثره

ومشت عنه يا حسين إميسره

الكربله ردت تريد إتدوره

بلچن إتناغيه ويناغيها

 

إشلون هالدنيه صبح تاليها

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017