أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات ردونه ردونه

القسم القسم: الشعر الشعبي الشخص الكاتب: جابر الكاظمي التاريخ التاريخ: ٢٠١٩/٠١/٢٦ المشاهدات المشاهدات: ١٤٨ التعليقات التعليقات: ٠

ردونه ردونه

جابر الكاظمي

ردونه ردونه

 

لرض الوطن ردونه

 

 

 

يهل الشيم ننخاكم

لطف إجينه اوياكم

يمشي الضعن بحماكم

وانتوا اللي جبتونه

 

لرض الوطن ردونه

 

 

 

يهلي اوياكم جينه

وهيبتكم اتبارينه

والكربله اتعنينه

ابشيمتكم اكفلتونه

 

لرض الوطن ردونه

 

 

 

شنهو السبب يالوليان

عفتونه ابين العدوان

هالعهد منكم ما جان

شنهو السبب عفتونه

 

لرض الوطن ردونه

 

 

 

من رحتوا تدرون اشصار

سلبونه قوم الاشرار

والخيم شبوها ابنار

والعسكر اتولونه

 

لرض الوطن ردونه

 

 

 

من خيم اعلينه الليل

خوف وعده ونار وخيل

والدمع جمرات ايسيل

والگوم ما رحمونه

 

لرض الوطن ردونه

 

 

 

رحنه وغصب عفناكم

عالغبره خليناكم

وردنه الوداع اوياكم

والگوم ما خلونه

 

لرض الوطن ردونه

 

 

 

ومن عگب عين الأكرام

بس الحرم والأيتام

للكوفه رحنه وللشام

وفوگ الهزل ركبونه

 

لرض الوطن ردونه

 

 

 

يمكم رجعنه ابها اليوم

وما بين لگبور انحوم

يا هلي وشيفيد اللوم

نعتب ومتسمعونه

 

لرض الوطن ردونه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017