أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » جابر يجابر ما دريت بكربله شصار
 الشعر الشعبي

المقالات جابر يجابر ما دريت بكربله شصار

القسم القسم: الشعر الشعبي الشخص الكاتب: كاظم منظور الكربلائي التاريخ التاريخ: ٢٠١٨/٠٩/٣٠ المشاهدات المشاهدات: ١٥٥ التعليقات التعليقات: ٠

جابر يجابر ما دريت بكربله شصار

كاظم منظور الكربلائي

جابر يجابر ما دريت بكربله شصار

 

من شبوا النار

والحرم شاطت للمعاره تريد أهاليها

 

 

 

ما تساعدني يجابر على مصاب اللي دهاني
وتنظر لسهم الشماته شلون صك عيني وعماني
وانظر الگوس المگدر چم سهم ماضي رماني

وآنه على فراش الولم

الله من صواب الحرم


جابر يجابر والدهر ما انصف وجار

 

كل ساعه وانصاب بسهم

مثل سبيتها سباني

من شبوا النار

ونار اليوجرها الدهر گلي شيطفيها

 

 

 

كربله ثگلت عويل الحرم وتثگّل عويلك
وشفرت الگطعت دليلي بيها يتگطّع دليلك
والمصاب الهدم حيلي ينهدم من صبره حيلك

طيحة علمنه على النهر

لو ردت توضيح الخبر

جابر يجابر من علمنه على النهر طاح

 

كسرت من حسين الظهر

إنشد الشاطي يحچيلك

ذاك الخدر راح

والحرم حست باليسر وبفگد واليها

 

 

 

حين طاح العلم من اللي گطعوا يساره ويمينه
اهجس بعيني تفرس سهم التفرس بعينه
ناس تنهب ناس تحرگ غدت وشلون انسبينه

والله يجابر ما ثبت

ما تدري بالگوم شگضت

جابر شسولف لك تراني تمرد حشاي

 

هيچي مصيبه ولا جرت

حرگوا خيمنه علينه

حن وإنحب وياي

ولا تنسه غربة زينب وحنها وبواچيها

 

 

 

والحرگ چبدي ومردني وخله بيه النار تسعر
من عليّ ردت عمامي من المعاره بجسم الأكبر
سابح بدم الشهاده وبمعانيها تعفر

ومن لفت ليلى تودعه

سباح گلبي تگطعه

جابر يجابر ما تساعدني على النوح

 

وشافت ولدها ومصرعه

من تصيح الله وأكبر

وتضمد جروح

 

ليلى الغريبه الفاجده الأكبر نواسيها

 

 

 

والطوه ضلوعي وحناها فگد عريس الهواشم
وعلگّت روحي بوريدي آه يا حسرة عرس جاسم
زفته طيور الشهاده وحنته دموم المچارم

ورمله لولدها شافته

مبارك يجاسم نادته

خل عينك وعيني يجابر تهمل دموم

 

متخضب بدم رگبته


وافجعت گلب الفواطم

خلينه هاليوم

إيدي وإيدك من دمى جاسم نحنيها

 

 

 

شاهدت للطفل حاله وظل عليها الجفن دامي
يرفس برجليه وإيده مطوّگ بسهم المرامي
افغرت من العطش روحه ومات بيد حسين ضامي

صوّب دليلي حرمله

وعيوني ظلت هامله

مالوم چبدي وكربله علة المالوم

 

للطفل عطشان اچتله

وأثر بچبدي ضرامي

حرمتني النوم

أحا يانبلة حرمله گلبي إنگطع بيها

 

 

 

على فراش الولم مرمي والنوايب يجلبني
لاچن بشوفة حسين تهيد روحي ويخف وني
ساعه لن سهم المثلث صاب ابويه وگطع ظني

الله وصواب الحجر

للجامعه بچيدي أثر

من گال زينب تنسبي وتوگف بديوان

 

چتفني بحبال الدهر

والسلاسل مرمرني

من الدهر خان

للكوفه والشامات عگب الخدر سابيها

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017