أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » انه زينب وانته راعي الرايه
 الشعر الشعبي

المقالات انه زينب وانته راعي الرايه

القسم القسم: الشعر الشعبي الشخص الكاتب: أحمد العبادي التاريخ التاريخ: ٢٠١٨/٠٩/٣٠ المشاهدات المشاهدات: ١٤٥ التعليقات التعليقات: ٠

انه زينب وانته راعي الرايه

أحمد العبادي

انه زينب وانته راعي الرايه

 

من السبي يابه الفضل شچايه

 

 

 

عالگبر خويه ارد اصب سيل الدموع
بين ابوي ونار تحرگ بالضلوع
هذا راسك جبته وايتامك تلوع

انهض لزينب يحامي الثايه

 

من السبي يابه الفضل شچايه

 

 

 

اشكي ياعباس نكبات الزمان
يا ربيع الخوه يا فيض الحنان
انسبي ويّاي راسك عالسنان

ميسره وكل يوم اطوف ولايه

 

من السبي يابه الفضل شچايه

 

 

 

يا كفيلي بهزتك وظلك اجيت
شلون للشام بيسر تالي مشيت
خاف ما تدري يعباس انسبيت

جيت اخبرك للكَبر عنايه

 

من السبي يابه الفضل شچايه

 

 

 

خويه تعذرني ولو قاسي العتاب
بس تره اختك شافت الوان العذاب
جفني ما غمض ابد من المصاب

من انهدم ركني على المسنايه

 

من السبي يابه الفضل شچايه

 

 

 

من انهدم ركني بمصابك يالچفيل
لني وحدي امحيره وبس العليل
منين ما اعد لهه ابو الفضل تميل

والضعن صار الشمر حدايه

 

من السبي يابه الفضل شچايه

 

 

 

يحدي بي وانتخيك بلوعتي
وتمسع العدوان هضمي ونخوتي
خويه واتجاوبني بسب اخوتي

وبيه حاطت شامتين اهوايه

 

من السبي يابه الفضل شچايه

 

 

 

خويه ويه الروس عندي ذكريات
ويانه طول الدرب ظلّن ماشيات
وانا كل راس اشوفه على القناة

بمصرعه عندي علم ودرايه

 

من السبي يابه الفضل شچايه

 

 

 

انظر لفتية عقيل عله النصول
شاخصات الروس والمشهد مهول
واذكر أجساد الي رضتهه الخيول

بلا دفن فوق الثره مسجايه

 

من السبي يابه الفضل شچايه

 

 

 

وانظر الأكبر شبيه المصطفى
راسه فوك رماحه تتخاطفى
للعده ونور الوجه بالدم طفه

والوصال بكربله مرماية

 

من السبي يابه الفضل شچايه

 

 

 

وراس جسام من أشوفه عله الرمح
يا بو فاضل ينزف بقلبي الجرح
ليش بثياب الزفاف وينذبح

والچفوف من الدمع محنايه

 

من السبي يابه الفضل شچايه

 

 

 

وانظر الراس الرضيع ورگبته
والله اشوف الموت والله بنظرته
بين ايدين حسين نبله الفطمته

ضامي جودك ماسكاه من مايه

 

من السبي يابه الفضل شچايه

 

 

 

وانظر الراس الاخو روح البتول
حسين واهنا نظرني حتماً تطول
راسه من راس الرمح تدري شيگول

من الكهف يقره ويرتل آيه

 

 

 

 

 

مو وكت نومه يضيغم بالطفوف
جثه مسلوبه انگطع منها الچفوف
وانظر الراسك يعباس وشأشوف

عينك بسهم العده مطفايه

 

من السبي يابه الفضل شچايه

 

 

 

والله وفيت بعهودك يالوفي
لو انوح الدهر هيهات اكتفي
تبقى لا والله لا متنطفي

نارك التحت الظلع سرايه

 

من السبي يابه الفضل شچايه

 

 

 

يعباس وداعتك الله معاودين
خويه عنكم للمدينة مسافرين
والله ما ادري شكل لام البنين

من تناشدتني على راعي الرايه

 

من السبي يابه الفضل شچايه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017