أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات لو نتوذر لو نتقطع

القسم القسم: الشعر الشعبي الشخص الكاتب: جابر الكاظمي التاريخ التاريخ: ٢٠١٨/٠٥/٢٩ المشاهدات المشاهدات: ٣٥٦ التعليقات التعليقات: ٠

لو نتوذر لو نتقطع

جابر الكاظمي

لو نتوذر لو نتگطع

يالعاهدنك منعوفك

 

منعوفك نقسم بالمرضع

للموت اوياك منعوفك

 

 

 

يحسين سجلنه العهد وياك وإنت التعلم
هالعهد صفحه إمسجله ومتوقعه إبفيض الدم
مضمونه منعوفك أبد وبكل زمان إمترجم

ترجمنه هذا العهد بإسمك يحسين

ما نبتعد مهما تمر بينه إسنين

دستورك دستور الهادي

ومن بايعناك منعوفك

 

حبك نجاة ومكرمه دنيه ودين

بإسمك هاي الأمه إتنادي
للموت اوياك منعوفك

 

 

 

من عالم الذر مبدأك مفروض صار إعلينه
ومن بين الأصلاب إنتقل حبك الطاهر بينه
إبدور الرضاعه من المهد من حبك إتغذينه

وإنشأنه وإدركنه الحياة الحره

وبجامعة ذاتك درسنه الثوره

هالفكره إبحق إدرسناها

ونتبع مسراك منعوفك

 

وإترسخت يحسين بينه الفكره

فكرة إيمان إعرفناها
للموت اوياك منعوفك

 

 

 

أدوار مرت كل عصر يظهر خصم يتحده
يمنعنه عن إزيارتك ويصب علينه حقده
وإحنه بإرادة ثابته إبكل صوره نوگف ضده

گال اليزور حسين يدفع أموال

وإحنه رخصنه المال وإدركنه الحال

إتحدينه الظالم وأعوانه

ورغم العاداك منعوفك

 

نتسابق إعله إزيارتك ضد القال

ما همنه إشما صب طغيانه
للموت اوياك منعوفك

 

 

 

إتعنينه گصد إزيارتك برواحنه المشغوفه
وما همنه ذاك اللي منع ولا نترهب من خوفه
وصدر أمر ثاني الذي يزورك يضحي إچفوفه

صرنه إنتسابق حته ننطيك إچفوف

ما همنه أمر الطاغي ما هزنه الخوف

وإحروف الدم من تقراها

وهالدم ناداك منعوفك

 

أوصلنه الضريحك بالدمه إكتبنه إحروف
تدري وتعلم شكتبناها
للموت اوياك منعوفك

 

 

 

من شافنه الطاغي إبشغف لزيارتك نتعنه
هزه الشعور الجاهلي صدر أوامر منه
ثالث أمر منه صدر لو ردت تنشد عنه

هالأمر من أجل الزياره إتحتم

نادانه كل عشره التجي ووتقدم

وإحنه إتعنيناك الگبرك

من تابعناك منعوفك

 

تنذبح تسعه ومنها واحد يسلم
إنواسيك إبگطعت نحرك
للموت اوياك منعوفك

 

 

 

هالصوت يإبن المصطفه إبجوف النحور إيناديك
وهذي شرايين الجسم يإبن الرسول إتحاچيك
إتگلك رخصت إلنه الدمه إشلون إبدمه إنعز إعليك
ضحيت من أجل الشريعه إبدمك

يا ريت چنه إبساحة الطف يمك

يالضحيت إبدمك إلنه

ولو چنه إهناك منعوفك

 

أجسام نرخصها قبل طيحت جسمك
يا حيف إبيومك ما چنه
للموت اوياك منعوفك

 

 

 

وسفه وحيد إبكربله ولا من معين إيعينك
وبمصرعك لمن طحت ذبلت أوراد إسنينك
وإنگطعت إحبال الوصل بين العيال وبينك
والحرم يا مظلوم من عفتوها

هجمت العسكر والعده سلبوها

 

وإخيامك إبنار الظلم حرگوها

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017