أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » الأربعينية... ثورة شيعية
 الشعر الشعبي

المقالات الأربعينية... ثورة شيعية

القسم القسم: الشعر الشعبي الشخص الكاتب: السيد عبد الخالق المحنّة التاريخ التاريخ: ٢٠١٨/٠٣/٢٨ المشاهدات المشاهدات: ٤٠٩ التعليقات التعليقات: ٠

الأربعينية... ثورة شيعية

السيد عبد الخالق المحنة

بالأربعينيه... ثوره شيعية

إنجدد البيعه... يالله يا شيعه

 

مشي مشي مشي مشي

مشي مشي مشي مشي

 

 

 

گوم سد بابك ودع أحبابك إرفع الرايه صيح يا حيدر
إترك وإمشي بيتك وكل شي وگصد الجنه يم أبو الأكبر
ليش تتعذر ليش تتأخر وإنت واعدته تفدي بالمنحر
إسرع الخطوه والتعب فدوه إركض وإهتف عالوعد أحضر

بالروح لتبالي... روح للغالي

والعالم إنگله... إلا نوصل له

 

مشي مشي مشي مشي

مشي مشي مشي مشي

 

 

 

إبني ضيعته بالدرب عفته شوفة القاسم أغله من إبني
ليلي ساهرته جدمي گطّعته والدرب أشعر ما يتعبني
گلبي صبرته والإبن شفته يمشي گدامي صار يغلبني
أندعي إبگلبي طول يا دربي لهفة العاشق ليك تجذبني

خل إيدك بإيدي... يالله يوليدي

يوليدي فرصتنه... وإحنه راحتنه

 

مشي مشي مشي مشي

مشي مشي مشي مشي

 

 

 

ساعد إبساعد والعزم واحد شاب والشايب والإبن والأب
والحمل أمه عالظهر زحمه گامت إتنادي يبني لا تتعب
والده ووالد زاهد وعابد إحفظ الزاير رحمتك يا رب
واليفجرنه ما يأخرنه عالوعد نوصل تنتظر زينب

شيعه ونواسيها... نعتني ليها
الزهره تنخانه... هيه ويانه

 

مشي مشي مشي مشي

مشي مشي مشي مشي

 

 

 

أسمع إيرحب صاحب الموكب يا هله بيكم يالتشرفوني
لو بعت داري يشهد الباري أبقه أخدمكم وإنتوا بعيوني
إمعاهد إعليها وأفتخر بيها وإعله هالخدمه يا ما حسدوني
واليمنعوني ما يهموني آني خادمكم لو يذبحوني

كل غالي يفداكم... قلبي وياكم
فد صوت نادينه... الكربله جينه

 

مشي مشي مشي مشي

مشي مشي مشي مشي

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017