أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات عگب المصاب

القسم القسم: الشعر الشعبي الشخص الكاتب: السيد زكي الياسري النجفي التاريخ التاريخ: ٢٠١٨/٠١/٣١ المشاهدات المشاهدات: ٤١٢ التعليقات التعليقات: ٠

عگب المصاب

السيد زكي الياسري

عُگبِ المصاب إجيتك

تحتِ الِتراب لِگيتك

 

عُگبِ المصاب

تحتِ الِتراب

شِفِت بعدك يا ألم

خويه ياراعي العلم

عُگب المصاب

 

عُگب المصاب

 

 

 

خويه جيت اويه الحراير يابو فاضل
من بعد درب الأسه وضيم المحامل
والأشد وأصعب يبو الغيره المناضل
روسكم طول الدرب فوگ العواسل

ساعه اْصد ليك وانادي

ساعه يرثيك فؤادي

 

ساعه اْصد ليك

ساعه يرثيك

بيك دلاّلي انلچم
خويه ياراعي العلم

عگب المصاب

 

عگب المصاب

 

 

 

خويه فگدك فاجعه كلش چبيره
گلبي منها ابنار ما يخمد سعيره
من بعد ما چنِت بوجودك أميره
صرت عگبك اخت عباس الأسيره

تقبل بهاي؟ أميره

بولية أعداي أسيره

 

تقبل ابهاي؟

ابولية اعداي

والحبل بيدي التحم
خويه ياراعي العلم

عگب المصاب

 

عگب المصاب

 

 

 

حالِتي عُگبك صُفت يا خويه حاله
من وجعها اهتزعرش رب الجلاله
صِرت بيد ايزيد وجنوده ورجاله
من بعد عيناك ياراعي الكفاله

تدري عباس سبوني

أرذل الناس ولوني

 

تدري عباس

أرذل الناس

ناس ما عدهم رحم
خويه ياراعي العلم

عگب المصاب

 

عگب المصاب

 

 

 

شلون تقبل غيرتك يابو الحميّه
يا كفيلي ابين ذوله الناصبيه؟
بعد ما چنت العقيله الطالبيه
خويه سَمّوني السبيّه الخارجيه

وينك اهناك يغالي

بعد عيناك يوالي

 

وينك اهناك

بعد عيناك

بالدمع خط القلم
خويه ياراعي العلم

عگب المصاب

 

عگب المصاب

 

 

 

خويه عگبك صارت ابئيدي الوصيّه
والحمِل ثگله صُبح كله عَليَّه
آنه باريت الضَعن يبن الوفيّه
لچن عذرك خويه ما رجعَت رُقيّه

خويه بالشام أجلها

جور الايام كِتلها

 

خويه بالشام

جور الايام

هالمصايب چَن حِمَم
خويه ياراعي العلم

عُگب المصاب

 

عُگب المصاب

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017