أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات أول أربعين

القسم القسم: الشعر الشعبي الشخص الكاتب: السيد زكي الياسري النجفي التاريخ التاريخ: ٢٠١٨/٠١/٠٢ المشاهدات المشاهدات: ٣٣٠ التعليقات التعليقات: ٠

أول أربعين

السيد زكي الياسري

گوم صُب دمعك يجابر

رجَع من الشام للطف

آه يَجابر

گوم والطم عالصدر

 

هذا زين العابدين
جايب اضعون الحسين

آه يَجابر

هليوم أول أربعين

 

 

 

كربله ابيوم اربعين احسين ميعاد اللقاء
چان جابر وي عطا يم گبر سَيْدِ الشُهداء
واب إديه ايزيح عن اترابه آثار الدماء
يبچي من دم والگلب مجمور من عُظم البلاء
لن سواده وغبره من ابعيد لاحت بالفضاء
صاح شاهِد يا عطا منهو الي گاصِد كربلاء

راح وبسرعة رجع

هذا ضعن الحره زينب

ويّه الحراير

گوم والطم عالصدر

 

يلطم على راسه ويصيح
گاصِد الگبر الذبيح
ويّه الحراير

هليوم أول أربعين

 

 

 

هذا موكب بني هاشم راجع الطف كربله
عاد ودموع الشجَن ويَّاه تِحدي القافله
هذا زين العابدين ومَن بگه امن العايله
رد ضعنهم آيجابر گوم گوم استقبله
واسي زينب بالنياحه وبالدموع الهامله
هذي بت الزهره فاطم والوصي عقد الوله

گوم واسيها يَجابر

گوم بلكي الحزن والهم

هذي زينب

گوم والطم عالصدر

 

هذي بت حيدر علي
عن گلبها ينجلي
هذي زينب
هليوم أول أربعين

 

 

 

آه يا دمع الهطول اشگال سُلطان الرشاد
من دخل طف كربله ابكل هالألم زين العباد
هنا يجابر صاح وعيونه بچن حتى السواد
هنا يجابر حاوطونه ابجيش وابعُدّه وعِتاد
هنا يجابر ذبحو الأنذال فلذات الفؤاد
هنا يجابر طاح ابويه من على ظهر الجواد

هنا شفت بعيوني شي

شفت عبد الله الرضيع

هدلي حيلي

گوم والطم عالصدر

 

ما شافه واحد بالبشر
ابسهم مگطوع النحر
هدلي حيلي
هليوم أول أربعين

 

 

 

هنا يجابر شِفِت جاسم إبن عمّي المجتبه
شلون دهر الغدر والشر بالنوايب صوَّبه
شلون دمَّه ابعِز شبابه هنا يجابر خضبه
شفت رمله اعليه تبچي بالدموع اللاهبه
هذا واحدها يجابر ضاع كل تعب الربه
أم وحيده تصيح عگبك راح أبگه امعذبه

تدري يا جابر مُصابه

بدال حِنته والصواني

بالمدامع

گوم والطم عالصدر

 

بچَّه أملاك السمه
راسه مخضوب ابدمه
بالمدامع
هليوم أول أربعين

 

 

 

هنا يجابر شِفت اخوي الأكبر امگطع وصَل
أشبه الناس ابرسول الباري وابجده البطل
شفته عالتربان جسمه مثل غيم ودم هطل
وليلى مغمي اعليها يمه وبيها لو تدري شحصل
تدعي يارب ردلي إبني هِرش دلالي انفصل
ما أعيشن لحظه دونه شلون يا رب لو رحَل

ليله مذهوله وتنادي

رد عليّه ابجاه دمعي

راح الاكبر

گوم والطم عالصدر

 

علي الأكبر يالحبيب
صير لجروحي طبيب
راح الأكبر
هليوم أول أربعين

 

 

 

أه يا عمي يجابر تدري يم المشرعه
شفت عمي گمر هاشم والجفوف امگطعه
وعينه مطفيه ابسهم ويلاه من هالفاجعه
وراسه مفضوخ ابعمَد هذا الجرم ما افضعه
هنا يجابر ظهر ابوي احسين محني طالِعه
هنا يجابر طاح ابو فاضل تشاهد مصرعه

هالصور لا ما تِفارگ

شلون انسه كربله

علهواشم

گوم والطم عالصدر

 

مني يا عمي الخيال
يا جابر انساها محال
علهواشم
هليوم أول أربعين

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017