أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات لبيك داعي الله

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/٠٩ المشاهدات المشاهدات: ١٢٤٧ التعليقات التعليقات: ٠

لبيك داعي الله

جابر الكاظمي

لبيك داعي الحق
يا أبا عبد الله

 

لبيك قولاً بصدق
يا أبا عبد الله

يا حسين انت العقيده البيها كل مؤمن تسلح
وانت قانون الهدايه وبيك درب الحگ توضح
واحنه تيارك جذبنه يريدنه انعانق المذبح
نصرتك ذمه علينه وعهد بالاعناق اصبح

انت الامان امن الخطر
تضحيه ومن دون البشر
شيَّدت مجداً، بالإباء
يا أبا عبد الله

 

خل تسمع اسياد الدهر
الها بس دمك ترشح
وحزت نصراً، بالوفاء
يا أبا عبد الله

 

يا حسين انت الحقيقة البيها توضيح الخفايه
من سمعنه اليوم صوتك يهتف ابسوح المنايه
بالعزم لبيك صحنه ابدافع الحب والهدايه
انت كعبتنه واجينه نصير للكعبه ضحايه

جينه اباراده وموغصب
لوصار ميقات الحرب
وسوف تشهد، كربلاء
يا أبا عبد الله

 

ابدافع وفه ولهفة گلب
انصير الك قلعه وحمايه
بحراً سيجري، من دماء
يا أبا عبد الله

 

موقفك يحسين جسد كل مفاهيم العقايد
انت همة كل مضحي وكل غيور وكل مجاهد
واحنه آمنه وعرفنه اليفدي عمره يعيش خالد
هالعهد بالدم نكتبه والزمان اعلينه شاهد

اسلوب واحد نتخذ
بالموت دونك نستلذ
اليوم نمضي، للفناء
يا أبا عبد الله

 

هيهات عن دربك نشذ
وهذا جيش الموت حاشد
وماخلقنا، للبقاء
يا أبا عبد الله

 

انت قائد للمسيره واحنه للقائد نتابع
منه للاجيال يكتب ترجمة فكرك الواسع
ابكل رحابة صدر جينه انوقع ابدمنه ونبايع
ندخل الحرب ابجداره ونبرز بأشرف دوافع

مبدئنه للناس انعرف
راعي الكرامه والشرف
نَخطُّ عهداً، للولاء
يا أبا عبد الله

 

واحملنه أشرف كل هدف
عن شرف دينه يدافع
عهداً سنبقى، أوفياء
يا أبا عبد الله

 

خذنه نبذه واقعيه من مفاهيم الشهاده
اعرفنه للفارس اماره والعرش صهوة جواده
اعرفنه مفهوم المعارك لا صمود ابلا إراده
اعرفنه منكم يبواليمه الموت للاشراف عاده

اعرفنه المراجل والشيم
من مثلك ابكل الامم؟
اليوم يوم الأتقياء
يا أبا عبد الله

 

لليكتب ابدمه القيم
صنع تاريخه ابجهاده
اليوم قد حان اللقاء
يا أبا عبد الله

 

اليوم نتقدم ضحايه وننطي دمنه لدين جدك
انضحي احنه ومن بعدنه تصير بالميدان وحدك
جيش سبعين الف مجرم شاهره الأسياف ضدك
وانت لا ناصر ينصرك لا معين تشوف عندك

موقفك النه متضح
دمك على الغبره يسح
الحور تبكي في السماء
يا أبا عبد الله

 

بسيوف اميه تنذبح
وينفرش عالترب خدك
والدمع يجري للعزاء
يا أبا عبد الله

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016