أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » أول فرح يبن الحسن عيد الولاده
 الشعر الشعبي

المقالات أول فرح يبن الحسن عيد الولاده

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٧/٠٩/١٩ المشاهدات المشاهدات: ٧٣٣ التعليقات التعليقات: ٠

أول فرح يبن الحسن عيد الولاده

جابر الكاظمي

أول فرح يبن الحسن عيد الولاده

يا محله يومك

 

ثاني فرح لمن يشع بدر السعاده

ساعة قدومك

أول فرح عيد الولاده

 

 

 

يالمهدي ساعة مولدك تحمل مناقب

عدنه فرح ثاني بعد والكل تراقب

أصحابك اتجهز الك صدر الكتايب

من جانب الكعبه يشع يالمهدي نورك

تصبح نجومك

 

تفرح ضماير شيعتك يبن الغوالب
لمن يشع من غيبتك نورك يغايب
اثلثمية وثلاثة عشر مثل الكواكب
إنته البدر وأصحاب الك تعلن ظهورك
ساعة قدومك

أول فرح عيد الولاده

 

 

 

كل العلامات انتهت يا يبو الشهامه

من المغرب اتلوح الشمس وبهالكرامه

هالدنيه ترجع زاهيه بنور الإمامه

بيدك ترف راية علي وسيفه بيمينك

تدحر خصومك

 

ظلت بعد يالمنتظر آخر علامه
نورك عله العالم يجن ويكشف ظلامه
دين الرسول اتوصله الشاطي السلامه
هيبة محمد هيبتك وبكل يقينك
ساعة قدومك

أول فرح عيد الولاده

 

 

 

من تقطع احبال الشرك لهل الظلاله

اتزيل الظلم ويأيدك رب الجلاله

تنشر عله افجوج الأرض حكم العداله

تغني الفقير وما تظل وادم فقيره

تنشر علومك

 

سيفك تثبت سيدي نهج الرساله
وتقطع جذر كل طاغيه بسيف البساله
وبعالم الحق والعدل ياخذ مجاله
كل حق يعود الصاحبه يضمن مصيره
ساعة قدومك

أول فرح عيد الولاده

 

 

 

هالدنيه هاي الموحشه تصبح زهيه

ايسود العدل ويه القسط بين الرعيه

بالوادم ايسود الوفه وطيب السجيه

اتشوف الوعل ويه الأسد يمشي بسلامه

واتهب نسومك

 

ميظل هوان ولا ظلم عند البريه
ميظل ضعيف ولا قوي كلهم سويه
والياسمين ايهب عطر عالنرجسيه
يتخاون اجناح النسر ويه الحمامه
ساعة قدومك

أول فرح عيد الولاده

 

 

 

الطلعة الرشيده لو بدت عدنه خبرها

انشوف الخضار من الأرض ينفح زهرها

حته الأسماك مأمنه اتعيش اببحرها

الغره الحميده بطلعتك تزهي علينه

تكشف همومك

 

كل الغصون بطلعتك يطلع ثمرها
كل زهره يبن العسكري منك عطرها
للمال ما يبقه ثمن ترخص دررها
كل الخلايق سيدي تصبح أمينه
ساعة قدومك

أول فرح عيد الولاده

 

 

 

يا صاحب العصر الذي يملك زمانه

والمنقذ انته سيدي اليصدح لسانه

يبن البدور اللامعه تزهي بسمانه

بظلك تعيش وتلتجي كل البرايه

والكل ترومك

 

كل فرقه اسمك بنوجد وبكل دنيانه
وبعهدك الرب العله اتأدي الأمانه
يالمنجد البيه نحتمي ويحمي حمانه
من وجهك اعلينه تشع شمس الهدايه
ساعة قدومك

أول فرح عيد الولاده

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016