أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات يسجلني

القسم القسم: الشعر الشعبي الشخص الكاتب: السيد عبد الخالق المحنّة التاريخ التاريخ: ٢٠١٧/٠١/٢٢ المشاهدات المشاهدات: ١٧٨٤ التعليقات التعليقات: ٠

يسجلني

السيد عبد الخالق المحنة

إخذ روحي ونظر عيني * لبو السجاد وديني * يسجلني
عبير إترابه اشتمه * وأريد بدفتر الخدمه * يسجلني
إجيت وقلبي ملهوف * أريد العالم يشوف * يسجلني

 

روايات المشي كثره * المشه خطوه اخذ اجره * الف حجه الف عمره
زرعت الشوق بدروبي * إجيت اركض يمحبوبي * ازورك وامسح ذنوبي

مشيت أيام وليالي

ولا غيرك شغل بالي

 

لجل عيناك يالغالي

يسجلني

 

أريد اتشوف عدواني * ابوفاضل تلقاني * يسجلني
وإجيت الحضرة الضامي * وابو النوماس جدامي * يسجلني
يمن ضحيت الجفوف * اريد العالم يشوف * يسجلني

 

قبل لا ينطق إلساني * قضه الحاجات وانطاني * اسمعه يقول هذا آني
يقول اليوصل الحضره * عهد مني اجي القبره * اجاني اشلون ما احضره

وحق اللي رفع سبعه

اوجها بالقبر شمعه

 

اذا لجلي تهل دمعه

تقبلني

 

صحت يالما طفت نارك * ولو خادم الزوارك * تقبلني
يمن غيرك فلا اهوه * إلك هذا العمر فدوه * تقبلني
اجيت الكربله ازحوف * أريد العالم يشوف * يسجلني

 

لون بدربك أتقطع * وحق الزهره ما أرجع * عهد وبدمي يتوقع
أنا المجنون عرفوني * أصيح وخل يسمعوني * ولا قدروا يمنعوني

ترف الرايه بالعالي

عرفني الموت ما ابالي

 

رغم تحذير عذالي

عهد مني

 

احس ابراحه من امشي * عفت اهلي وعفت كل شي * عهد مني
حلم كل يوم اعيشنه * اموت ابدربك اتمنه * عهد مني
نحر يتحده السيوف * أريد العالم يشوف * يسجلني

 

نداء الزهره يتبعني * خيال اشعر يراقبني * هله يالقاصد اعله ابني
انا وياك مشايه * الك غايه و إلي غايه * نروح الصاحب الرايه

لقائي بزينب الليله

يازاير والدمع سيله

 

تعاود هيه والعيله

توصلني

 

مشيت واتبع البضعه * يجدمي للطف بسرعه * توصلني
اريد الزينب اوصلها * رقيه وين اسألها * توصلني
جواب الحره معروف * أريد العالم يشوف * يسجلني

 

اجيت وكاتب وصيتي * اموت بدربك امنيتي * شهيد ويرتفع صيتي
وصيت الوالد افهمها * يقول الرايه تلزمها * وانا لإبني اسلمها

الى آخر نفس بيه

اجي بروحي الفدائيه

 

ازورك واشهد اعليه

يجملني

 

ركض عالموت متعني * عدوك من يفجرني * يجملني
نذرت من المهد عمري * صحت وين اليحز نحري * يجملني
اجيتك ذابح الخوف * أريد العالم يشوف * يسجلني

١٤٣٣ للهجرة

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017