أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات رحنه بضعينه

القسم القسم: الشعر الشعبي الشخص الكاتب: الشيخ عبد الحسين أبو شبع التاريخ التاريخ: ٢٠١٩/٠١/٢٦ المشاهدات المشاهدات: ٥٥٩٩ التعليقات التعليقات: ٠

رحنه بضعينه

الشيخ عبد الحسين أبو شبع

رحنه ابضعينه
من كربله رحنه ايتام
ومن يدري بينه

 

هاليوم اجينه
للكوفه والكتر الشام
هاليوم إجينه

 

 

 

هاي الضعينه الچانت ابين أطياب
لن الدهر خلاها ما بين أجناب
وأفتر دهرنه
راحت وجوه الوليان
وجارت علينه

 

وابهيبة الوليان چانت تنهاب
ايباريها چتال الأخو والسلاب
هالشكل صرنه
ورحنه بشماتت عدوان
هاليوم إجينه

 

 

 

هاي اختك اتناديك واسمع يحسين
تدري تگلك چنت يبن أمي وين
امن الشام إجيتك
عگبك يخويه ابيا حال
واميسرينه

 

خدها عله اتراب تجري العين
هاليوم إجيت الگبرك وجيتي امن انين
ابگبرك لگيتك
يا الكلفتني بأطفال
هاليوم إجينه

 

 

 

حدك اوياي من اوگعت من مهرك
حدك اوياي الخيل داست صدرك
حرگوا اخيامك
ما بين نار ودخان
وامسلبينه

 

حدك اوياي السيف من گص نحرك
ومن بعد هذا الناس خلها اتخبرك
داسوا أيتامك
نتراكض ابها الوديان
هاليوم إجينه

 

 

 

يا حسين لو مو شايفه ابعيني اشصار
چن احنه مو عايلة بيت الكرار
آخر فعلهم
وباليسر حاديهم صاح
عنكم مشينه

 

ما چنت أصدگ باليسولف أخبار
سلبوا نهبوا بالخيم وجوا نار
جابوا هزلهم
عفناكم ابغير أرواح
هاليوم إجينه

 

 

 

جرحتنه الكوفه أشد من الشام
الكوفه شجاها وسببت هالآلآم
اتناست ربانه
جابتنه يم ابن ازياد
واصل ليدينه

 

الشام الها ثارات ابعهود الأصنام
عاشت اسنين ابيت أبونه وأيام
اشعملت اويانه
والحبل من السجاد
هاليوم إجينه

 

 

 

امن ابدال ما يستنكرون الحاله
اذبحنه لحسين ابكربله وارجاله
واحنه ابيسرنه
كلها ابيسرنه شمات
انسمعك حجينه

 

وگفوا يقصفون الروايه اقباله
احرگنه الخيم جبنه سبايه اعياله
محد نصرنه
ولا فضل أثر بالذات
هاليوم إجينه

 

 

 

إلهم حرم ويانه جو أخدوها
وهالعايله همَ الذي ايعرفوها
اشبيدي اعله لخوه
خليتكم عالتربان
ورحنه ابسبينه

 

وابنات حيدر باليسر عافوها
متحجبه وبخيال ما شافوها
تسمع النخوه
موته كهول وشبان
هاليوم إجينه

 

 

 

رحنه اليزيد الجمع اعلينه الناس
كل ساع لن بيده يراوينه راس
ابديوانه صرنه
لا والي عندنه ايحاچيه
وليه انولينه

 

ناس الذي ما عدها ذرة إحساس
راس لحسين وراس أخونه العباس
وبيده أمرنه
وشما حچه ايرد اعليه
هاليوم إجينه

التقييم التقييم:
  ٤ / ٤.٣
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017