أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » ذبيح مسلب بن أمي مشيت وعفته على الغبرة
 الشعر الشعبي

المقالات ذبيح مسلب بن أمي مشيت وعفته على الغبرة

القسم القسم: الشعر الشعبي الشخص الكاتب: السيد سعيد الصافي التاريخ التاريخ: ٢٠١٨/٠٨/٢٦ المشاهدات المشاهدات: ١٦٨٨ التعليقات التعليقات: ٠

ذبيح مسلب بن أمي مشيت وعفته على الغبرة

السيد سعيد الصافي

ذبيح مسلب بن أمي

إجيت أتعثر بهمي

ابحزن بلواي

 

مشيت وعفته على الغبره
أشوف بيا كتر قبره
وأبث شكواي

 

 

 

رحت عنه لون بيدي فلا والله رحت عنه
يا ريته أتوسد بطوله وأشم أطيب عطر منه
عفاني وشكثر صبري وأنه بهالحال أشوفنه
أعاين جسمه المگطع وأگول شلون أعوفنه

مشيت وغصبا عليه

خذوني عنه مسبيه

عفت رجواي

 

أخويه بلا دفن عفته
وداع الغربة ودعته
وأبث شكواي

 

 

 

رحت لكن عفت گلبي يفرفر يم أبو اليمة
يگولي روحي يا زينب وتريديني أضل يمه
أريدن أحسب جروحه وأريد أتعفر بدمه
وأجبر كسرة ضلوعه وأحن وأذكر ضلع أمه

صحت يا گلبي لتگولي

أريدك بالدرب خلي

أسير وياي

 

يا زينب روحي خليني
على الونه تسليني
وأبث شكواي

 

 

 

تصوب من زغر گلبي لون ينوح ما لومه
لون ما لزمت ضلوعه وگع من شدة همومه
سبية ومن على الناگة شبحت عيوني على الحومة
شگول وشفته على الغبرة أخوي مسلبة هدومه

وعلى الرمح دامي

وأصد له بنظرة لآلامي

ولوني عداي

 

أعاين راسه يبرالي
وأصيح شبيدي يا الوالي
وأبث شكواي

 

 

 

بعد غيبة هضم طالت اجيت أنشد على بن أمي
شفت طف كربلاء بعيني وتهيج بالگلب همي
ذكرت الخيل من غارت علي وحرگت خيمي
يتامه وعيلة مذعورة وعليل بيا وضع يمي

طحت بين الي يلوعني

وهذاك ابچفه يدفعني

ذهيلة تراي

 

على متني بصوت يضربني
وهذاك اليسر يسبني
وأبث شكواي

 

 

 

وعلي السجاد الي بچفه على گبر حسين ضل يوحي
مثل طير الفگد وتره تحوم على القبر روحي
أدي على الگبر دارت حضنته بلوعتي ونوحي
صحت يالي نشفت جروحك بعد ما تنشف جروحي

يا خويه من سكن ونك

اذا گلت لي غبت عنك

نظر بحشاي

 

وحگك ما سكن وني
فلا ساعة الي غبت عني
وأبث شكواي

 

 

 

لون يا حسين تنشدني يا خويه وين ودوني
وعلى مصاب اللي جرى علي تجاوب دمعة عيوني
تمنيتك تطر گبرك تگوم تعاين متوني
وأشد موقف يا بو اليمة ليزيد الطاغي جابوني

شماتة ضل يناشدني

وانه گباله ويشاهدني

بگت بحماي

 

وعلى الچفن ضعني
سبية ودهري فاجعني
وأبث شكواي

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017