أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » يابن أمي اليسر فضت أيامه
 الشعر الشعبي

المقالات يابن أمي اليسر فضت أيامه

القسم القسم: الشعر الشعبي الشخص الكاتب: كاظم منظور الكربلائي التاريخ التاريخ: ٢٠١٨/٠٧/٣٠ المشاهدات المشاهدات: ٦٤٨ التعليقات التعليقات: ٠

يابن أمي اليسر فضت أيامه

كاظم منظور الكربلائي

يابن أمي اليسر فضت أيامه

ورديت بحرمكم واليتامه

وين أنطي الوجه وين

 

من دهري وزماني

 

 

 

من إجاني المهر خالي صابني وصوب دليلي
يصهل ينادي الظليمه ومن صهيله إنهدم حيلي
وسهرت عالحرم عيني ومانمت يحسين ليلي
وعميت عيوني من السهر
من سمع بأيامي الدهر
حرمه وتحامي من الخطر

وعيني تتربه بچفيلي

ومصاب الچفيل يعز عليّه

ومگطع الچفين

 

وادري بيه عالشاطي رميه

من دهري وزماني

 

 

 

آه والآه شيضمد ياجرح بجروح گلبي
مسهره وارعى اليتامه وعالعليل عيوني تربي
واصبحت يحسين ولهه وما وچد بعد دربي
ومن جدموا نوگ الهزل
شبگوا يتاماك بحبل
بين ارمله وطفله وطفل

حرت واليرعاني ربي

جسمي على الهزل ويه اليسارى

وتضمد مطاعين

 

روحي تحوم ظلت بالمعاره

من دهري وزماني

 

 

 

والگطع سباح گلبي وسحن من جسمي المفاصل
زين العباد من اشوفه يلوج من ثگل السلاسل
وتحفر الجامعه بجيده وگلبه يتواگد مشاعل
من يون تثگل ونتي
أحا ياجمرة غربتي
ماتنطفي من دمعتي
والدمع لمصابه هامل

وحرگ مخيمك بالگلب ناره

وذابت شحمة العين

 

ويه الدمع يتجادح شراره
من دهري وزماني

 

 

 

هاك إخذ من بعض عتبي خوف المعاتب يضهدك
ولية الشمات وليه والخبر يحسين عندك
طبة الكوفه مردتني مثل سهم المرد چبدك
بالكوفه ما تدري شجره
بعيالك المتيسره
متشمته ومستبشره
وضيعونه وحگ جدك

ماضنيت هيچ يضيعونه

من طلعوا معيدين

 

وبسهام الشماته يصوبونه

من دهري وزماني

 

 

 

إنصبت يحسين بمصايب والأشد والأعظم عليه
سهم من الكوفه صكني أمضه من الغاضريه
توگف بديوان زينب من سمع ياهل الحميه
وحملت بالكوفه سگم
من يولمه يعف الخصم
وشاهدت يابن أمي الظلم
علته بگلبي خفيه

هاك إخذ النواي بمن دموعي

محنيه على الدين

 

ومثل ظلوعك تشاهد ظلوعي
من دهري وزماني

 

 

 

جروح البگلبي ثجيله وانصبت بالكوفه حربه
وطلعت مصيوبه منها وگطعت للشام دربه
وعالرمح راسك گبالي شايله المايخاف ربه
مصبوغ بالدم شيبته
تسبي الفواطم شوفته
وتثگل عليلك ونته
ومحتسب والباري حسبه

سبي الكوفه والشام ومراره

وتضمد الجرحين

 

من غير الصبر ما شفت چاره

من دهري وزماني

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017