أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » يا بالفضل ناديت هاليوم إجينه
 الشعر الشعبي

المقالات يا بالفضل ناديت هاليوم إجينه

القسم القسم: الشعر الشعبي الشخص الكاتب: جابر الكاظمي التاريخ التاريخ: ٢٠١٨/٠٧/٣٠ المشاهدات المشاهدات: ١٣١٢ التعليقات التعليقات: ٠

يا بالفضل ناديت هاليوم إجينه

جابر الكاظمي

يا بالفضل ناديت هاليوم إجينه   بيا حاله وبيا ضيم من يدري بينه

 

 

 

بالعيله والايتام يا خويه جيتك

بالگبر وسفه وحيف نايم لگيتك

ريتك عدل واتشوف هالحاله ريتك

بيا حاله يا عباس يمك لفينه

 

بيا حاله وبيا ضيم من يدري بينه

 

 

 

للطف يخويه اليوم لمن وصلنه

وبروحي هاجت لفراگ أهلنه

ظليت أصيح ابصوت وين الكفلنه

هذا النهر چا وين حامي الضعينه

 

بيا حاله وبيا ضيم من يدري بينه

 

 

 

عنك رحت والعين تربي اعله جسمك

لو بيدي يا عباس جنت أبگه يمك

يا بالفضل مكتوب همنه وي همك

إنته ابدماك اتموت واحنه انسبينه

 

بيا حاله وبيا ضيم من يدري بينه

 

 

 

سهم النبت بالعين صوب دليلي

ومن ضربة العامود جمرة غليلي

ابدمعة فزع ناديت لا يا كفيلي

لو ما غصب ما چان عنك مشينه

 

بيا حاله وبيا ضيم من يدري بينه

 

 

 

يا با الفضل عفناك بالغاضريه

والرايه والچفين يمك رميه

الدرب اليسر برضاك أطلع سبيه

اطلعنه ابيسر وانصيح وليه انولينه

 

بيا حاله وبيا ضيم من يدري بينه

 

 

 

من عگب زودك ذاك يا گمر هاشم

صار الشمر حداي ظعن الفواطم

عالعيله والايتام دلالي حايم

وكل ساعه طفله تصيح والينه وينه

 

بيا حاله وبيا ضيم من يدري بينه

 

 

 

بهالحاله يا عباس عنك طلعنه

ريتك يخويه اتشوف محنة وضعنه

واحچاية الشمات عگبك سمعنه

يا بالفضل والناس جاروا علينه

 

بيا حاله وبيا ضيم من يدري بينه

 

 

 

چنه ابيسر واليوم ردينه يمكم

نجري الدمع وانصيح تقبل شيمكم

يهل الشيم لاوين تطلع حرمكم

ردوها يا الأكرام لرض المدينه

 

بيا حاله وبيا ضيم من يدري بينه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017