أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات يالحادي نترجاك

القسم القسم: الشعر الشعبي الشخص الكاتب: جابر الكاظمي التاريخ التاريخ: ٢٠١٨/٠٧/٣٠ المشاهدات المشاهدات: ١٠٨٦ التعليقات التعليقات: ٠

يالحادي نترجاك

جابر الكاظمي

يالحادي نترجاك

ابهاي الظعينه

 

للطف إخذنه اوياك

من الشام إجينه

للطف إخذنه اوياك

 

 

 

رجعنه من اليسر لاچن مهجنه الوالهه اتنادي
بنات الهادي هذي إحنه ايهداك يهالحادي
گبل ما للمدينه اتروح نريدك تسلك الوادي
الربوع الطف تودينه الگبر ريحانة الهادي

للطف نريد انروح

الشوفة ولينه

 

نسأل عن المذبوح
من الشام إجينه

 

 

 

يهالحادي مشينه اوياك بيسر وأخذونه للكوفه
عليل وعايله وأيتام إعله نوگ الهزل مچتوفه
لون ما هاليسر ما چان اخونه اعله الثره انعوفه
وإجينه اليوم من الشام نزور الوالي وانشوفه

نوح وهضم واهموم

بالهم مشينه

 

وياك إجينه اليوم
من الشام إجينه

 

 

 

لونك للمدينه اتريد بينه اتطوح الركبان
اشعدنه بالمدينه اهناك لا حامي ولا وليان
وللطف عرج بظعنك نريد انجدد الأحزان
نزور اگبور أهالينه التركناها على التربان

بالطف تركنه اجسوم

ليها اعتنينه

 

تجري و تصب ادموم
من الشام إجينه

 

 

 

مشارف كربله هذي جريب الدرب ما هو ابعيد
الرواحل لا تنوخها تواصل بالمسير انريد
كل لحظه التمر بينه نار الفرگه بينه اتزيد
اشكثر عالفرگه نتصبر يهالحادي الصبر شيفيد

لا لا تنوخ النوگ

والجمره بينه

 

حرگتنه نار الشوگ
من الشام إجينه

 

 

 

بنات الحشمه والعفه سبايه تالي أصبحنه
علينه كلفه مو هينه بيسر عن الأهل رحنه
اشكثر من يسرونه الگوم صرخنه وبالدمع صحنه
راعوا حرمة الباري بنات المصطفه إحنه

يالحادي گومك هاي

واميسرينه

 

ما أنصفو وياي

من الشام إجينه

 

 

 

ثگل هضم اليسر بينه وجمعنه الدمع وسط العين
الدمع صوغة سفر جبناه وانوزعه اعله گبر احسين
ونگله اوصلنه يم گبرك وتدرينه رجعنه من انين
فارگنه الدهر وياك ما بين اليسر والبين

نجري اعله گبره ادموع

و يعز علينه

 

و نعلگ دمعنه اشموع

من الشام إجينه

 

 

 

بعدما عفنه يالحادي صبر جد ظعنك بسرعه
نريد اعله الگبر نوصل تراها انفجرت الدمعه
وچن صوت الغريب احسين يصيح بگبره وانسمعه
عليّه طالت الغيبه وبطّيه صارت الرجعه

يم گبره خذنه وروح

بظعنك لفينه

 

ما طل صبر بالروح

من الشام إجينه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017