أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات من اليسر زينب إجت

القسم القسم: الشعر الشعبي الشخص الكاتب: السيد عبد الخالق المحنّة التاريخ التاريخ: ٢٠١٨/٠٦/٣٠ المشاهدات المشاهدات: ٧٠٥ التعليقات التعليقات: ٠

من اليسر زينب إجت

السيد عبد الخالق المحنة

من اليسر زينب إجت

رجعت جميع العايله

 

يمك يعباس وبجت

نار المصايب ما طفت

عباس يا عباس

 

 

 

عالناقه زينب نادتك عباس اجيت الشوفتك
مشتاگه أشوفك يالگمر واجروحي كلها اتعنتك
هاي الضيوف ابكربله بيوم أربعينك زارتك
يا خويه مجروح الگلب انشر عليه رايتك

أشكي لك أفعال الزمن

أحچيلك وانت استمع

 

شفنه المصايب والمحن

هاي المصايب ما جرت

عباس يا عباس

 

 

 

استقبل اضيوفك إجو من اليسر ليك اعتنو
ريتك تشوف اللي حصل يا با الفضل من انسبو
بين الحوافر چم طفل مات وعدا اللي ضيعو
يوم الطحت عالمشرعه هجموا علينه وفرهدو

شفت الجرالي وعاتبت

يالنايم ابعينك سهم

 

وينك يبو الغيره صحت

زينب بلا كافل بقت

عباس يا عباس

 

 

 

امنيتي من هذا العمر يم گبرك أحفر لي گبر
ملهوفه خويه الشوفتك بس شوفتك تطفي الجمر
يا حادي ضعني شأخرك يحدي الشمر ضعن اليسر
يا خويه والله اتعذبت بعدك ولا ينفع صبر

كلما يضربوني صحت

بت حيدر ابلايه اخو

 

ها يا قمر هاشم شفت

وسفه العزيزه اتيسرت

عباس يا عباس

 

 

 

انطيني چف المنقگع خله ينشف لي الدمع
مكسورة الخاطر أنا مهضومه محنية ضلع
إختك وأنا وصوتي انسمع صوت الجرح ما ينسمع
ما أنسه لوعت كربله يوم الإجه اعلينه الفزع

يا خويه عالدنيه العفه

يا الما اجيت ابغربتي

 

يوم الخذوني امجتفه
عالناقه زينبكم صفت

عباس يا عباس

 

 

 

صعبه على بت حيدره تمشي يخويه اميسره
كلما يشتموني صحت وينك يسبع الگنطره
ماتت رقيه امن الحزن أذكرها والمدمع جره
من شاهدت راس الأبو يا خويه شبگت منحره

تسألني عنك كل وكت

واتگلي وينه كافلچ

 

أسكت لچن دمعي يكت
منك أبد ما أيست

عباس يا عباس

 

 

 

يا خويه ظهري ينكسر كلما يحاچيني الشمر
صح انسبيت اويه الغرب لكن بگيت أم الخدر
رجعت جميع العايله بس عن رقيه أعتذر
ظلت تون طول الدرب تاليها ماتت تنتظر

شتريد أسولفلك بعد

منهو اليصدگ بت علي

 

أحزاني ما صارت أبد
عالناگه مسبيه مشت

عباس يا عباس

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017