أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » رغم الأخطار نمشي زوار
 الشعر الشعبي

المقالات رغم الأخطار نمشي زوار

القسم القسم: الشعر الشعبي الشخص الكاتب: السيد سعيد الصافي التاريخ التاريخ: ٢٠١٨/٠٥/٢٩ المشاهدات المشاهدات: ٨٧٩ التعليقات التعليقات: ٠

رغم الأخطار نمشي زوار

السيد سعيد الصافي

رغم الأخطار

دگت گلبنه... حسين

 

نمشي زوار

صرخة غضبنه... حسين

نمشي زوار

 

 

 

نعرض أروع صور عن درب الطفوف
خل جميع العالم إبعينه يشوف
عالمنايه إتسابگت صف الصفوف
قدمت ويه الذهب گطع الچفوف
منها گامت تستحي حته السيوف
وإعتنت لحسين ملهوفه تطوف

هذا برهان

ثورة شعبنه... حسين

 

يبگه عنوان

صرخة غضبنه... حسين

نمشي زوار

 

 

 

سجّل التاريخ وإبطول الدهر
عن درايه من رسم هاي الصور
أربعين حسين كل عام إبصفر
والدماء الزاكيه تترك أثر
والمرامه يرتقي الصرح الفخر
ما يهاب الموت يتحده الخطر

وإحنه أحفاد

غاية طلبنه...حسين

 

درب الأمجاد

صرخة غضبنه... حسين

نمشي زوار

 

 

 

ياللي تسأل ليش نتحده الصعاب
تقتنع من تستمع رد الجواب
للنجاة حسين أبوالسجاد باب
وإعله كل خطوة جدم أجر وثواب
تنحسب خطواتنه إبيوم الحساب
تنحسب كلما تمر ذرة تراب

عدنه محبوب

إنحبه ويحبنه...حسين

 

يمحي الذنوب

صرخة غضبنه... حسين

نمشي زوار

 

 

 

ما يهمنه التعب والدرب البعيد
لا نقر للظالم إقرار العبيد
لوشهيد إبمصرعه يتبع شهيد
إنريد نثبت لليتبعونه اليزيد
يبگه إلنه حسين هوأشرف نشيد
عله طول الزمن مطلبنه الوحيد

أروع أمثال

شيعه ونسبنه...حسين

 

عبر الأجيال

صرخة غضبنه... حسين

نمشي زوار

 

 

 

صحنه نتحده الخطر وشما يصير
إتواصل الزوار لحسين المسير
حسين صرخة ثار وإتهز الضمير
يوم صاح إبكربله هل من نصير
صحنه أنصارك يبن أشرف أمير
هاي نعمه وفضل من الله كبير

صحنه وياك

شمعة دربنه...حسين

 

حاشه ننساك

صرخة غضبنه... حسين

نمشي زوار

 

 

 

إي وحگ كل قطره من دم الذبيح
ما نعوف الثار ساعه ونستريح
خلهم يسمعون منطقنه الصريح
عهد عدنه وما يصح إلا الصحيح
ألف لوكل يوم من عدنه يطيح
نبگه يحسين بضمايرنه نصيح

نرفع أصوات

قائد حربنه...حسين

 

ذله هيهات

صرخة غضبنه... حسين

نمشي زوار

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017