أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات يحسين رد الضعن

القسم القسم: الشعر الشعبي الشخص الكاتب: علي ابو سما الديواني التاريخ التاريخ: ٢٠١٨/٠٤/٣٠ المشاهدات المشاهدات: ٦٦٦ التعليقات التعليقات: ٠

يحسين رد الضعن

علي ابو سما الديواني

انفض اتراب الگبر

يحسين رد الضعن

 

مابگه الزينب صبر

عَذَبنه درب اليسر

 

 

 

يوم اربعينك يخويه أختك لفت ياغريب
رديت الك واشتكيلك ذَوَبني خويه النحيب
هزاني شوكي وحنيني بشوفتك روحي تطيب
كل عمري مافاركيتك من الله هذا النصيب

ردت اشتكيلك الم

ومارحم بينه الزمن

 

بينه الشمر مارحم

عَذَبنه درب اليسر

 

 

 

عن يامصاب ارد اسولف ياخويه واشجم مصاب
گعدتنه وسط الخرايب والنومه فوﮓ التراب
خويه الاحبال ابأدينه وتحرس اضعوني الذياب
ومن گعده صارت صلاتي ذاب الگلب مني ذاب

ماتنوصف حيرتي

اوياي الحراير بچَن

 

اسهر واصب دَمعتي

عَذَبنه درب اليسر

 

 

 

بنتك رُقيه اخبرك بالشام آنه ادفنتهه
طفله ولفتهه المنيه عالراس ماتت شفتهه
عاينت هالطفله خويه يوم الذي غَسَلتهه
امن السوط ازرگ متنها والصدري خويه احضَنتهه

عالراس شبعت بچي

اويه الطفله گلبي اندفن

 

ماظل حچي وينحچي

عَذَبنه درب اليسر

 

 

 

رديت خويه ابهضيمه وبالضعن نوح وعَويل
گبرك ادَوره واناشد وادموعي عالخد تسيل
ردت اشتكيلك مصابي خويه ومُصاب العليل
واعتابي لازم يسمعه عباس اخوي الكفيل

يلي اكفَلت مَحمَلي

امن البچي اعيوني انعمن

 

بيد الشمر انولي

عَذَبنه درب اليسر

 

 

 

بين المگابر انوحَن گبرك صبح خويه وين
مُعصب رُقيه جبتلك اگعد يخويه الحنين
دلينه خويه اعله گبرَك عميه وبعد مالي عين
سكنه تناشدني عنك ذَوَب گلبها الونين

من ابعيد تصرخ عليك

طف ثاني خويه انعلن

 

بلچن تطَلع اديك

عَذَبنه درب اليسر

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017