أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » للطف وصلنه جا وين أهلنه
 الشعر الشعبي

المقالات للطف وصلنه جا وين أهلنه

القسم القسم: الشعر الشعبي الشخص الكاتب: جابر الكاظمي التاريخ التاريخ: ٢٠١٨/٠٣/٢٨ المشاهدات المشاهدات: ١٥٩٧ التعليقات التعليقات: ٠

للطف وصلنه جا وين أهلنه

جابر الكاظمي

للطف وصلنه

عالترب عفناها إبدور

خيبوا أملنه

 

چا وين أهلنه
جينه ولگيناها إگبور
چا وين أهلنه

 

 

 

إكشف إتراب اللحد يحسين وگوم
إختك وإجيت إمن اليسر أشچي إهموم
محد يحس بالألم غير المالوم
وما يعرف المظلوم غير المظلوم

وعنكم مشينه

وردينه تدري ابيا حال

ولا والي إلنه

 

ابهاي الضعينه
بس الحرم والأطفال
چا وين أهلنه

 

 

 

يحسين باصوات الحزن ننخاكم
لليسر وإحنه صرعه خليناكم
مثل البدور إعله الترب عفناكم
شنهو السبب ردينه ملگيناكم

وين الأهل وين

ما واحد امن الأكرام

ومحد سالنه

 

چا وينه يحسين
يتلگه ضعن الأيتام
چا وين أهلنه

 

 

 

للطف وصلنه وزاد بالطف همي
وشفت اليتامه إتفرگت من يمي
واحد أشوفه فوگ گبرك مرمي
وواحد ينادي وين دفنوا عمي

وضجت الأيتام

ما بين الگبور إتحوم

ورجعت إبلنه

 

من جور الأيام
تحسب مصايب وهموم
چا وين أهلنه

 

 

 

يحسين من إتفرگت أيتامي
إتذكرت من حرگوا الگوم إخيامي
وواحد إمن أطفالك طلع گدامي
للمشرعه وظنيت گلبه ضامي

ولمن تبعته

وطاح إعله گبر العباس

وقربوا أجلنه

 

يصرخ سمعته
يشچي له من جور الناس
چا وين أهلنه

 

 

 

گبر الچفلني شفت طفلك يمه
إيعفر إخدوده بالگبر ويشمه
إضلوعه حناها إيعاتبه ويحشمه
كل ظنه من اللحد ينهض عمه

وخابت إظنونه

وآيس رجع لينا إردود

يصرخ طفلنه

 

وإنخطف لونه
چي ما نهض راعي الجود
چا وين أهلنه

 

 

 

هالعيله ضجت وإنت تعلم بيها
ما عندها غيرك سند يا واليها
إبهذا الوضع يحسين لتخليها
إنهض ويم گبر النبي وديها

وهالعيله تنخاك

من غربه تصرخ وإتنوح

وهاجت عللنه

 

وإتعنت إوياك
وباصرنه لاوين إنروح
چا وين أهلنه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017