أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » كَوم يحسين تلكَه العايلة
 الشعر الشعبي

المقالات كَوم يحسين تلكَه العايلة

القسم القسم: الشعر الشعبي الشخص الكاتب: آيار الحلفي التاريخ التاريخ: ٢٠١٨/٠١/٣١ المشاهدات المشاهدات: ١٥٣١ التعليقات التعليقات: ٠

كَوم يحسين تلكَه العايلة

آيار الحلفي

كَوم يحسين تلكَه العايله

 

كَوم يحسين تلكَه العايله

 

 

 

زينب اليوم اجت من اليسر
والكَلب من الهضم يسعر جمر
رادت بشوكَ تشوفك يا بدر

وصّت الحادي يمر ابكربله

 

كَوم يحسين تلكَه العايله

 

 

 

وكَفت اعله اكَبوركم وكفة حزن
والكَلب يحسين حل بيه الوهن
تكَول خويه شلون أرجع للوطن

خل يكَوم ابن الأمير ارد اسئله

 

كَوم يحسين تلكَه العايله

 

 

 

اليوم أطفال ونسه جولك ظيوف
اجروحهم يحسين صارن بالالوف
خلي عينك حزن هالموقف تشوف

اليوم زينب بالهموم امحمّله

 

كَوم يحسين تلكَه العايله

 

 

 

هالإجاك الحرم من بعد الجفه
وبيه زينب بالحرم متلكلفه
بيدك اليوم دمعهم نشّفه

ما أظن الظيف ما تستقبله

 

كَوم يحسين تلكَه العايله

 

 

 

اليوم الاطفال إجت يمّك تلوع
ومثل ما يجري النهر تجري الدموع
شوف ضربات السياط اعله الضلوع

ونظر الآثار ذيج السلسله

 

كَوم يحسين تلكَه العايله

 

 

 

سكنه نادت وين كبرك يالولي
بويه كلبي اعليك بالهم ممتلي
اتلكَه بنتك كَوم يا ضنوة علي

آنه سكنه اوتدري بيّه امد لله

 

كَوم يحسين تلكَه العايله

 

 

 

زين العباد إجاك ابمحنته
ويصدع اكبر جبل ظيم امصيبته
راد شوفك ونته رايد شوفته

كَوم شد حيله يبن خير المله

 

كَوم يحسين تلكَه العايله

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017