أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » ما نستراح ونسرع بممشانه
 الشعر الشعبي

المقالات ما نستراح ونسرع بممشانه

القسم القسم: الشعر الشعبي الشخص الكاتب: السيد عبد الخالق المحنّة التاريخ التاريخ: ٢٠١٧/١٢/١١ المشاهدات المشاهدات: ٥٢٥ التعليقات التعليقات: ٠

ما نستراح ونسرع بممشانه

السيد عبد الخالق المحنّة

ما نستراح ونسرع بممشانه

يا عباس رفت الراية

 

خولة ورقية وفاطمة ويانه
يا عباس جينه مشاية

 

 

 

يالله يا أطفال الوفه شيلوا رايتنه

حتى الملايك تزدحم وي مسيرتنه

خطوة رقية بالمشي بطول خطوتنه

لو نستراح من التعب قوموا نادتنه

عله الراس واحنا وفّاية

 

يا عباس جينه مشاية

 

 

 

نمشي ويسامرنه الدمع والدرب حسره

بكل موكب نشاهد أثر لدمعة الزهره

وي كل طفل شفنه الحسن بأول النظره

ويقله أبني بهالعمر وانقطع نحره

والإحساس دمعة وحجاية

 

يا عباس جينه مشايه

 

 

 

استقبلنه حيدر بالنجف ما يضيعنه

الحد ما وصلنه لكربلا ظل يتابعنه

لمن اجه علي الأكبر بيده ودعنه

نقره شعارات المشي هوا يسمعنه

ولا باس نتعب اهوايه

 

يا عباس جينه مشايه

 

 

 

كل خطوة نمشي نستمع يا هلا بيكم

ياللي قصدتونه مشي الله يحميكم

وعيون ابو فاضل شابحه اعليكم

جف الحمايتكم بقه وجف يحييكم

يا هالناس انتوا بحمايه

 

يا عباس جينه مشايه

 

 

 

يالرافع الراية انتبه لا تنزلها

زينب تباوع لك تظل ويا كافلها

وتقلك يحرسك علي ياللي شايلها

هالراية تجرح ناظري من اصد إلها

والإحساس كسرة أمرايه

 

يا عباس جينه مشايه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017