أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات أما تدري بما يجري

القسم القسم: الشعر الشعبي الشخص الكاتب: السيد سعد الذبحاوي تاريخ الإضافة تاريخ الإضافة: ٢٠١٣/٠٦/١٠ المشاهدات المشاهدات: ١٨٨٣ التعليقات التعليقات: ٠

  أما تدري بما يجري

السيد سعد الذبحاوي

أما تدري بما يجري

 

فهل ترضى فهل ترضى

 

عفه صبرك اشحمل درك يمهدينه
بُطه أمرك اختفه سرك خفه اعلينه
ولو دهرك حجب نصرك يوالينه

فقُم واثأر متى تظهر

 

فهل ترضى فهل ترضى

 

جرح واثنين و تغض العين عجيبه اشلون
ضلع ضلعين نحر نحرين وأكَول اتهون
يثار احسين ابركَبتك دين يظل مرهون

فوالهفي أما يكفي

 

فهل ترضى فهل ترضى

 

ضلع أمك تره ايحشمك يراعي الثار
اشكبر حلمك بكَت يمك اشتريد اختار
شفت خصمك غصب حكمك دريت اشصار

غدت فوضى فكم تغضى

 

فهل ترضى فهل ترضى

 

وابو اليمه بكَه ابهمه منو اينصره
انسفك دمه انسلب جسمه انكَطع نحره
بلا رحمه العده ابنقمه اسحكَت صدره

قضى غدرا قضى صبرا

 

فهل ترضى فهل ترضى

 

العقيلة اتنوح ابكَلب مجروح مشت للشام
الجسم مطروح بكَه ابلا روح ابو الأيتام
ابدمع مسفوح يسيره اتروح ابسبي الظلام

بنو الزهرا غدوا حيرى

 

فهل ترضى فهل ترضى

 

منو العدها وتشاهدها اجت هاليوم
منو ايردها الوطن جدها وحيده اتحوم
حرم عدها وتناشدها على المظلوم

دماً تجري على القبرِ

 

فهل ترضى فهل ترضى

 

دسل سيفك واخذ حيفك الك جَم ثار
غيابك طال وعليك آمال تطفّي النار
يبو صالح الأمر واضح تريد أنصصار

فهم قلّه من الملّه

 

فهل ترضى فهل ترضى

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved