أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات كافي الصبر يالمحجوب

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/١٠ المشاهدات المشاهدات: ٢٠٦٧ التعليقات التعليقات: ٠

  كافي الصبر يالمحجوب

جابر الكاظمي

 كافي الصبر يالمحجوب

 ملينه ملينه

 

 كافي المصايب

من الصبر ملينه

من يا هضيمة نبتدي وحالتنه شنوصفها
والصبر مفتاح الفرج يبن الحسن نعرفها
هاي الوصايا من النبي ما نكَدر انخالفها
لابد يجي اليوم الذي هاي البشر نكشفها

يومك يالغايب الامه شيجيبه

 

صارت هاي الامه ابريبه

الله اشصارت هالغيبه

عفنه العتب عفنه اللوم

تدرينه تدرينه 

 

يمك يغايب

من الصبر ملينه

 

شوف الزمان بيا وضع يبن الحسن خلانه
من عدنه بينه هالفتن ونكَول حيل اويانه
حيل اويه كلمن خالفك بيده هدم بنيانه
والمثل تغركَ هالسفن من تكثر السفانه

اشما نتحمل حيل وبينه

 

كلما يصدر من ايدينه

دنيانه اشراح اتراوينه

خل نسكت أحسن ونكَول

خلينه خلينه 

 

المن نعاتب

من الصبر ملينه

 

يا زينه من عدنه بدت أولها لو تاليها
لا نظل نتحمل إثم جلمتنه خل نحجيها
بيوت الجهاله و الخدع احنه الذي بانيها
ودين الله بيدينه صبح سلعة ونتاحر بيها

هذا الحال اللي أخرنه

 

هذا الجزعنّه و حيرنه

من دون الناس اتأخرنه

ظلينه نعرض للناس

نجينه نجينه

 

فن المناقب
من الصبر ملينه

 

مستقبل الأمه صبح حالة وهم مجهوله
لو يستحلنه الأجنبي منه يالذ مسؤوليه
ضاعت موازين العدل مابين ذوله وذوله
والغيره بسواكَ الشرف سلعه وصفت مبذوله

بالأقوال انبين حبك

 

بالأعمال انخالف دربك

خلينه اشجم لوعه ابكَلبك

شنهو الذي قدمناه

دلينه دلينه

 

وين المكاسب

من الصبر ملينه

 

يالمهدي من كثر الصبر جمر الهضم ذوبنه
يا هو التلزمه ايجاوبك خليها يم غايبنه
و انت رهين ابغيبتك و سهم الهجر صوبنّه
باجر تجي الأجيال التجي تنشدنه و تطالبنه

للأجيال احنه اشقدمنه

 

شتعلمنه وشتفهمنه

هذا الحال اللي ألمنه

والما تعلمه الآباء

شلكَينه شلكّينه

 

اتعلمه التجارب
من الصبر ملينه

 

والله يبن العسكري لو ما السقيفه وذلها
ما جان هالأمه تذل ويضيع مستقبلها
يالمهدي و اطباع الجهل متكَلي شيبدلها
و شجرة العوجه من الأصل بالكبر شيعدلها

نار اغيابك تسعر بينه

 

كمن طول الموعد ملينه

صال الموعد يا مهدينه

خل نسأل من المعبود

يحمينه يحمينه

 

حسن العواقب

من الصبر ملينه

 

يالمهدي أصعب كل هظم خلانه تجري المدمع
لمن سمعنه بكربله جدك رهين الممصرع
ظلينه ننحب و الكَلب من هالمصيبه اتصدع
هالصدع ما ظن يتجبر جم كَلب مثله اتلوع

جدك تصعب لوعة أمره

 

والكَوم اللي هشموا صدره

همه الهشموا صدر الزهره

يالمهدي دهرك راواك

تآذينه تآذينه

 

اعظم نوايب
من الصبر ملينه

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved