أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » يا مليك الدهور حان يوم الظهور
 الشعر الشعبي

المقالات يا مليك الدهور حان يوم الظهور

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/٠٩ المشاهدات المشاهدات: ١٥٦٩ التعليقات التعليقات: ٠

يا مليك الدهور حان يوم الظهور

جابر الكاظمي

يا مليك الدهور

طال وقت الغياب

 

حان يوم الظهور

سيدي ما الجواب

 

الك يا حجة الباري بالدمع أشرح وضعنه

وانت يبن الحسن تدري بكل بواطن مجتمعنه

نعتب ومن كثر هذا العتب ملينه وجزعنه

اشما نعاتب بالنوايب من يتجاوب وانت غايب

نعتب ومحد سمعنه

يا عميد الزمان

قد أتاك العتاب

 

الأمان الأمان

سيدي ما الجواب

 

مجتمع بالوهم سارح خسر أهدافه ورصيده

زين لوبالألف واحد يملك ايمان وعقيده

تريد منهم الك ناصر وين ذاك اللي تريده

والتندبه تاه دربه ومن تجربه تشوف گلبه

ثعلب ونهجه المكيده

ديننا كالغريب

وفقدنا الصواب

 

أين من يستجيب

سيدي ما الجواب

 

الدين أصبح يستجير وما حصل واحد يجيره

صدگ لوگالوا يغايب كلمن وذاته وضميره

ذاك من ذاك التشوفه مخلص وصافي السريره

يا فخرنه يا ضخرنه ابخطر صرنه ومن صبرنه

الگلب ما يخمد سعيره

ديننا يستجير

وحملنا الصعاب

 

غاب عنه المجير

سيدي ما الجواب

 

سيدي والناس أضحت واهمه وتاخذ المظهر

واللي تعتبره جواهر من تجربه فحم يظهر

باطنه الحجاج لاچن ضاهره مالك الأشتر

ومن توصفه يزهي وصفه ومن تكشفه يالتعرفه

اتشوفه من مروان أمكر

صوتنا يستغيث

ديننا لا يهاب

 

نجِّنا يا مغيث

سيدي ما الجواب

 

سيدي والمثل واضح ما أظن عالناس يخفه

كل شخص لومرض صابه من الطبيب اينول وصفه

والطبيب اشلون لمن يمرض بيا دوه يشفه

يا ضمدنه يا عمدنه الدنيه ضدنه ومنهوعدنه

نصرخ ونعتب ابلهفه

يا شفاء القلوب

آن وقت الإياب

 

من لقلبٍ يذوب

سيدي ما الجواب

 

سيدي ويا يوم چفك يشهر اعله الظلم سيفه

ويطفي جمر اللي توجر من لهب نار السقيفه

وتدري يا باب الدفعها بالظلم چف الخليفه

هذا جرمه وعرش حكمه انبنه ابظلمه وعلى الامه

واضح وما يخفي زيفه

من فعال الشرار

لك نصُّ الخطاب

 

البدار البدار

سيدي ما الجواب

 

هجموا اعله امك الزهره ريتك اتشاهد وضعها

شتنسه يبن الحسن منهم تنسه محسن لوضلعها

ولمن اعله الدار هجموا صاحت الزهره بدمعها

صوتي ينعي يجري دمعي هذا وضعي انكسر ضلعي

صاحت ومحد سمعها

من لثأر الضلوع

من لذاك المصاب

 

من لتلك الدموع

سيدي ما الجواب

 

لون ما ضلع الوديعه ابدفعة الباب ايتكسر

ما على المظلوم جالت خليها وسحگته العسكر

ومن لهيب الدار ظلت جمره الصيوان تسعر

يالمحجوب

وشچم دوب

صبر ايوب

 

انهض وسل بتارك

تنتظر تاخذ ثارك

صبرك وهاي آثارك

نصرخ ابلهفة گلبنه يمته يالموعود تظهر

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016