أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » إجينه إنبايعك هالليله مولانه
 الشعر الشعبي

المقالات إجينه إنبايعك هالليله مولانه

القسم القسم: الشعر الشعبي الشخص الكاتب: هيثم سعودي الكربلائي تاريخ الإضافة تاريخ الإضافة: ٢٠١٧/٠٩/١٩ المشاهدات المشاهدات: ٣١٤٨ التعليقات التعليقات: ٠

إجينه إنبايعك هالليله مولانه

هيثم سعّودي الكربلائي

إجينه إنبايعك هالليله مولانه

 

إجينه إنبايعك هالليله مولانه

 

 

 

إجينه انبايعك يا حجة الباري

يا روح البتول وقرت انظاري
إلك رب الفرح يبن الحسن ساري

عله امتون السعاده اترفرف ألوانه

 

إجينه إنبايعك هالليله مولانه

 

 

 

رايات العهد يالمهدي منشوره

والجن والإنس بالفرحه مغموره
مثل موسه التجله النور من طوره

نورك من بزغ أشرقت دنيانه

 

إجينه إنبايعك هالليله مولانه

 

 

 

يا هيبة جمال المصطفه الطاهر

يا برهان رب المقدره الظاهر
نجوم احنه ابسماك ابليلك إنساهر

يا بدر العداله اليزهي بسمانه

 

إجينه إنبايعك هالليله مولانه

 

 

 

سلطان العصر واتريدنه انعوفك

مفاتيح السعاده ابقبضة اجفوفك
يا مأوه الضيف هاي الوادم اضيوفك

ضيفك تره يملي الصبر فنجانه

 

إجينه إنبايعك هالليله مولانه

 

 

 

نجرع بالصبر يمطول الغيبه

والشمات سنه ينفتر ريبه
تقول الغاب قبل الألف شيجيبه

تدري انته الشماته سبب بلوانه

 

إجينه إنبايعك هالليله مولانه

 

 

 

ميت امن الفرح والدنيه تدريها

ما زال الكفر يحكم ظلم بيها

گوم وخلي سافلها اعله عاليها

عاليها اعله سافلها يرجوانه

 

إجينه إنبايعك هالليله مولانه

 

 

 

بيك الأرض تصبح مزهره وخضره

واعقول الشماته اتغير النظره
تعرف شنهو قصده اليمشي للحضره

حضرت سيد الشبان بجنانه

 

إجينه إنبايعك هالليله مولانه

 

 

 

الفضائيات خل تتناقل اخبار

ليش ابمولدك تقصد له زوار
يدري الزاير إنته التاخذ بثاره

ابو السجاد والينه وعلي شانه

 

إجينه إنبايعك هالليله مولانه

 

 

 

لو ما الكفر نظرتهم عدائيه

جان ايشاركونه ابكل فضائية
وايثبون هالحفله الولائية

عاميها الجهل ما تفهم إعدانه

 

إجينه إنبايعك هالليله مولانه

 

 

 

جينه انبايعك والما فهم يفهم

لو شاهد اعروش الكفر تتهدم
شيفيد الندم ما ينفع المندم

إحنه الرابحين و هيه خسرانه

 

إجينه إنبايعك هالليله مولانه

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016