أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات تزوروني

القسم القسم: الشعر الشعبي الشخص الكاتب: السيد عبد الخالق المحنّة التاريخ التاريخ: ٢٠١٧/٠١/٢٢ المشاهدات المشاهدات: ٨٥ التعليقات التعليقات: ٠

تزوروني

السيد عبد الخالق المحنة

تزوروني أعاهدكم

أساميكم

 

تعرفوني شفيع إلكم

أسجلها أساميكم

هلا بيكم يازواري هلا بيكم

 

و حق جف الكفيل وجوده والرايه
انا وعباس وياكم يمشايه
يمن بعتو النفوس وجيتو شرايه
علي واجب اوافيكم ياوفايه

تواسيني شعايركم

أواسيكم انا وجرحي أواسيكم

 

ترويني مدامعكم

هلا بيكم يازواري هلا بيكم

 

هلا يالمانسيت و عالوعد تحظر
اجيت ولا يهمك لا برد لا حر
و حق دمع العقيله و طبرة الأكبر
احظرك ما اعوفك ساعة المحشر

على الموعد اجي يمكم

محاميكم وحق حيدر محاميكم

 

ولا ابعد واعوفنكم

هلا بيكم يازواري هلا بيكم

 

يهل شايل الرايه وجاي قاصدني
تعرف رايتك بيمن تذكرني
بالقطعو جفوفه و صاح لدركني
صحت ويلاه يا خويه والظهر محني

كسر ظهري سهم هجره

اوصيكم على الرايه اوصيكم

 

نفذ صبري بعد عمره

هلا بيكم يازواري هلا بيكم

 

يمن قاصد إلي و الدمعه تجريها
اعرف حاجتك مو داعي تحجيها
و حق نحر الرضيع الحاجة اقضيها
يازاير عاهدت كل عله اشفيها

اخو زينب فرح بيكم

يحيكم ابو الغيره يحيكم

 

هلا ومرحب يناديكم

هلا بيكم يازواري هلا بيكم

 

زينب من تشاهدكم تزوروني
تناديكم لون بالطف تحظروني
ما امشي يسيره ولا يسلبوني
ولا بسياطهم قدرو يضربوني

تناديني انا بحيره

ابجيكم على مصابه ابجيكم

 

واصد عيني لبو الغيره

هلا بيكم يازواري هلا بيكم

 

 ٢٠٠٨ ميلادي

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017