أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات تجي ونزحف ملايين

القسم القسم: الشعر الشعبي الشخص الكاتب: سعيد الفتلاوي التاريخ التاريخ: ٢٠١٩/٠٣/٢٨ المشاهدات المشاهدات: ١٣٥ التعليقات التعليقات: ٠

تجي ونزحف ملايين

سعيد الفتلاوي

تظل أكبر مسيره

تجي وْتزحف ملايين

زحف من كل مدينه

 

زيارة أربعينه
مناها تْزور الِحسين
يواسي بت نبينه

 

 

 

لبو اليمّه زحف لأحرار تزحفله
مسير الكون ما شاف وْعرف مثله
بْصفر يجري السمه وْأفلاك تشهدله
رغم لإرهاب توصل گبره وتقبله

تِشم تربة وليها

رسول الله وْنذيره

 

ابن بضعة نبيها
وابن حيدر ولينه

 

 

 

مسافات وْطريق أخطار ما ردها
قتِل وارهاب هالزوّار ما همها
عزيمه وْهمّة الكرار قائدها
تجي بْلهفه وْحنين تزور كعبتها

تطوف بْگبره لأحرار

فلا مثله وْنضيره

 

رغم كل جور الأشرار
الأمين ابن الأمينه

 

 

 

ملايين البشر تزحف لبو السجاد
تِمرّ سْنين ونْشوف العدد يزداد
عظيمه هالشعاير شفنه بيها أمجاد
أمر رب الجلاله بْكل سنه تنعاد

تِقَدّس هالشعاير

زَحِفنه اعظم شعيره

 

مواكب والمنابر
الضريح الذابحينه

 

 

 

كرامات وْعجايب بأربعين حسين
نعم شفنه كرامات التسرّ العين
قصص بيها وْعبر خالد ذكرها سْنين
رسمناها بْقصايد بيها مفتخرين

نعم بيها افتخرنه

الحسين الله نصيره

 

وْتحدّينه اليضدنه
اليضدّه الله يهينه

 

 

 

زحف هاليوم اجتّي الكربله الأنصار
لبو القاسم عزاها وْللولي الكرار
وْتعزّي الطاهره بتّ النبي المختار
عله المذبوح تنعه وْتندب الأحرار

تِنوح اعله السبايه

بالأقمار المنيره

 

وْتعزي أهل الولايه
اليزيد اجت تدينه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017