أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات ريض بالضعن

القسم القسم: الشعر الشعبي الشخص الكاتب: مقداد الهمداني التاريخ التاريخ: ٢٠١٩/٠٣/٢٨ المشاهدات المشاهدات: ٣٥ التعليقات التعليقات: ٠

ريض بالضعن

مقداد الهمداني

يالحادي اللي خَذِت مني شبابي

آنا الوالدة انخاك

 

ريِّض بالظعن واسمع عتابي

روحي راحت وياك

ريِّض بالظعن واسمع عتابي

 

 

 

نار.. بضلوعي لهابة لهابة يا حادي الظعون
نار.. والترحل أحبابه أحبابه يظل گلبه محزون
نار.. بخدودي سچابة سچابة دمعات العيون

يالحادي استمع عتبي وملامي

يالناوي على مسراك

 

دمع عيوني يشرح لك كلامي
روحي راحت وياك

ريِّض بالظعن واسمع عتابي

 

 

 

وين.. يالماخذ أحبابي أحبابي تتركني وتروح
وين.. بهمومي ومصابي ومصابي تتسلى هالروح
وين.. ما تنظر أهدابي أهدابي تتنازف جروح

كل فكري يظل يالحادي عندك

لا تظن أگدر أنساك

 

گلبي يستعر ما يهدا بعدك
روحي راحت وياك

ريِّض بالظعن واسمع عتابي

 

 

 

روح.. خليني باحزاني باحزاني ما حد بقى لي
روح.. وبدمعة أشجاني أشجاني أگضي الليالي
روح.. واترك لي نيراني نيراني ترحم لي حالي

نيران البعد تبقى سرية

للطف تگصد هناك

 

صعبة اليرحل يعود عليه
روحي راحت وياك

ريِّض بالظعن واسمع عتابي

 

 

 

آه.. هالصرخة مرفوعة مرفوعة بدلالي ألهب
آه.. هاي آنا مفجوعة مفجوعة وبحزني أنحب
آه.. هالحسرة واللوعة واللوعة للحرة زينب

زينب گرة عيوني وفؤادي

اش يجرع هضم ممشاك

 

لو راحت يضربوها الأعادي
روحي راحت وياك

ريِّض بالظعن واسمع عتابي

 

 

 

ذاب.. گلبي يهالحادي هالحادي ما تدري بيه
ذاب.. وبفرگة أولادي أولادي تبدي الرزية
ذاب.. لو تاخذ أفادي أفادي للغاضرية

خله يجفن أولادي الضحايا

گلبي آنا وصاك

 

ويغسل عنهم دموم المنايا
روحي راحت وياك

ريِّض بالظعن واسمع عتابي

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017