أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات عباس يا والينه

القسم القسم: الشعر الشعبي الشخص الكاتب: السيد زكي الياسري النجفي التاريخ التاريخ: ٢٠١٩/٠٣/٢٨ المشاهدات المشاهدات: ٨٣ التعليقات التعليقات: ٠

عباس يا والينه

زكي الياسري النجفي

عباس يا والينه

ردينه من يسر الشام

 

انهض يخويه لينه

نشكيلك جور الأيام

إنهض يخويه لينه

 

 

 

جينه ودِموع السايله تحدينه
تأخذنه لوعه وفاجعه توَدّينه
يا خويه وسياط الهضم تاذينه
عانينه الآلآم اليسر عانينه

كل ساعه يوگع واحد

شاهد يا خويه الايتام

 

كل ساعه راس انشاهد
نشكيلك جور الأيام

انهض يخويه لينه

 

 

 

يا خويه انقلّك خبر بالكوفه
راس الشهيد اعله السنان انشوفه
لقصر الاماره امن ادخلت مجتوفه
وبلكوفه آنه ام الخدر معروفه

بيهه جنت مهيوبه

ودخلنه قصر الظلام

 

وسفه صرت مسلوبه
نشكيلك جور الأيام

انهض يخويه لينه

 

 

 

عباس يا راعي العلم والساقي
طاح العلم لو لسه بيدك باقي
يا لخلقك امن المرتضى بحكَ راقي
شوف الدمع جرح إلي آماقي

تسمع يا خويه الونات

عگبك يا حامي الاسلام

 

گوم و شاهد هلدمعات

نشكيلك جور الأيام

انهض يخويه لينه

 

 

 

عباس يا وارث علي وفقاره
يامن حُسامك خويه تجدح ناره
ترضه الحراير باليسر محتاره
ترضه سبايه بولية الغداره؟

گوم وشاهد حالتنه

ضلينه ما بين الئام

 

گوم و اسمع شكوتنه

نشكيلك جور الأيام

انهض يخويه لينه

 

 

 

لمن رجعنه بالضعن يا مطعون
تمنينه موتى ولا نِشوفك مدفون
يا خويه اطفال وحراير يَردون
لرض المدينه وانته حادي يرجعون

يا خويه عباس انخاك

تسمعنه يبن الضرغام؟

 

وين الحسام ابيمناك

نشكيلك جور الأيام

انهض يخويه لينه

 

 

 

بينك وبيني يا حبيب الكرار
يحله العتب والليله ميعاده صار
انته اكفلتنه بيوم ضعنك من سار
ليش اوگعت يم الشريعه وشصار؟

لو ندري مترد لينه

ضاعن جميع الأحلام

 

خلي العطش ياذينه

نشكيلك جور الأيام

انهض يخويه لينه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017