أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات لبيك يا حسين

القسم القسم: الشعر الشعبي الشخص الكاتب: السيد زكي الياسري النجفي التاريخ التاريخ: ٢٠١٩/٠٣/٢٨ المشاهدات المشاهدات: ١٣٩٠ التعليقات التعليقات: ٠

لبيك يا حسين

زكي الياسري النجفي

جينه في يوم أربعينك يا حُسين الكربله
شيعه ونطوف ابضريحك يا شبل عقد الوله

وَنِدانا واحسيناه

 

واحسيناه واحسينا

 

 

 

يا حراره ابگلب كلمن حَب ابوك المصطفه
يا حسين ابلا شعاعك من على الدنيه العفه
ما يصح للعاشِگينك يبو اليمه كل شفه
الا بزيارة ضريحك يمن نورك ما طفه

وهُدانا مذ وعينا

 

واحسيناه واحسينا

 

 

 

يا بحر عزه و كرامه مايه ما يملح ابد
حيث حلاه الصُميده (والدٌ وما ولد)
انته سد يحمي العقيده يا سندنه انته سد
مو عجيبه الكون كله لإجل عيناك انوجد

قد عَشِقنا مذ حَيينا

 

واحسيناه واحسينا

 

 

 

يا سفينة نوح ناجي بيهه من ينوي السفر
انته مفتاح السعاده وانته سلطان الدهر
انته فرقان العقيده انته بركان الفخر
انته نور الما يشوفك اعمه بس مو بالبصر

سَينادي.. من يلينا

 

واحسيناه واحسينا

 

 

 

كربله صومعة دين الباري تبگه علزمن
ما تزحزحهه العواصف ما تغيرهه المحن
النه صارت يبو اليمه بكل معاليهه وطن
وطن عزه او طن ثوره اوطن آهات وشجن

وَشعاعٌ عاشَ فينا

 

واحسيناه واحسينا

 

 

 

ما نبيع احنه القضيه لو الف مره نموت
منك اعرفنه على الشر ابد ما ينفع سكوت
علمتنه اعله الجهاد وعلى كل كلفه نفوت
انته يحسين بصلاة الموت جفين القنوت

فالمنايا تقتفينا

 

واحسيناه واحسينا

 

 

 

طيَّحِت كل الشوامخ من طِحت يَعظم شهيد
زلزلِت كل العروش بصرخِتك لا يا يزيد
اسقطِت كل الطغات بسيف هيهات.. الفريد
واْرعبت سبعين الف يابن علي وانته وحيد

واحسيناه واحسينا

 

واحسيناه واحسينا

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017