أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات الزلزال الزينبي

القسم القسم: الشعر الشعبي الشخص الكاتب: السيد زكي الياسري النجفي التاريخ التاريخ: ٢٠١٩/٠٣/٠٥ المشاهدات المشاهدات: ١١٠ التعليقات التعليقات: ٠

الزلزال الزينبي

زكي الياسري النجفي

بيني وبينك يبن اْلزهره

إنته اْبسيفك وآنه اْبَعبره

 

تتشابه خويه الادوار

زلزلنه اعروش الكفار

 

 

 

يحسين ابقانون الدنيه

محدود بدائِرْةِ اْدراكه

شافوك انحز مِنك نحرك

ما دركوا (كيفية) خلدك

جهلوا قيمة ثورة سيفك

 

 تفكير اليدرس محدود
ويشوف ابعينه المشهود
ضنوك ابمسلك مسدود
وشلون ابكل (غد) موجود
 من حّدّوهه بنص انهار!!

 

 

 

يا خويه الدنيه ابأيامك

صار الحكَ باطل و الباطل

خويه وانته بثورة سيفك

صار الصار او أصبح كَبرك

طفك اصبح فردوسِ النه

 

وصلت حد الما مألوف
حكَ عين العميان تشوف
حطيت انقاط اعله احروف
كعبه وبيه الناس اتطوف

من تحته ادماك الأنهار!!

 

 

 

جابر واحد جان يزورك

هسا خل نحسب زوارك

عدوا حد العَد عشاكَك

هذا اليثبت سر قدسيتك

بحر احبابك موجه الهادر

 

يوم الرد ضعنك يحسين
ونشاهدهم شوف العين
مو مليون و مليونين!
صادر من رب الكونين
ينجيهُم باجر من نار

 

 

 

اختك يحسين اوعليته

جاهل مو فاهم مكَصدنه

جسمك صح مكَطوع المنحر

لكن مقصد كل نهضتنه

ياهل وادم اصل الفكره

 

راسك يا تاج اهل البيت
من ضن يا شامخ ذليت
وآنه ابأيتام احتاريت
تفتهمه الوادم يا ريت
ما تقبل ذل الاحرار

 

 

 

آدم لا اب لا ام عنده

اعجاز وتم بمر الباري

وانته الكن مرتين الذاتك

وْتخليدك يا سبط المُرسل

انته الخالد يابن حيدر

 

وعيسى ابلا والد انسان
من كَاللهم كون و كان
وحده ابثالث من شعبان
حل من يوم العاشر حان
يا سالك نهج الكرار

 

 

 

يازهرة كل هاي الدنيه

يحسين ابثورة صمصامك

دمك من سال الشرع الله

كَبرك ياخويه ابتضحيتك

(لائ كْ) رَجَّت كل العالم

 

يا شعلة نور الايمان
احييت افكار الانسان
صار الكل سائل برهان
صار الكل كَاصد عنوان
وهيهاتك صارت اعصار

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017