أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » آه ياللي عفتك ابطف كربله
 الشعر الشعبي

المقالات آه ياللي عفتك ابطف كربله

القسم القسم: الشعر الشعبي الشخص الكاتب: الشيخ عبد الحسين أبو شبع التاريخ التاريخ: ٢٠١٩/٠٣/٠٥ المشاهدات المشاهدات: ١٠٣ التعليقات التعليقات: ٠

آه ياللي عفتك ابطف كربله

الشيخ عبد الحسين أبو شبع

آه ياللي عفتك ابطف كربله

ردت الكربله اليوم العايله

 

جسم واسهام ابجميع امفاصله

اتحوم كل وحده ابگبر واليها

 

 

 

ام لكبر هوت عالاكبر تصيح

عفتك ابها الأرض يوليدي ذبيح

ورحت عنك يبني ابگلبي الجريح

الأم تريد اوليدها ايحاچيها

 

اتحوم كل وحده ابگبر واليها

 

 

 

اتگله يابني گوم نفه لي الصدر

لا يحجبك عني اتراب الگبر

تدري أمك وين چانت باليسر

وإجت ليك اتريد تنهض ليها

 

اتحوم كل وحده ابگبر واليها

 

 

 

ورمله يم جسام محنيه الضلوع

اتگله وين الحوفه يبني ولشموع

النار بضلوعي وبعيوني الدموع

وهالدموع النار ما تطفيها

 

اتحوم كل وحده ابگبر واليها

 

 

 

وردتك الكبر العمر يبني دره

لن شباب وتندفن تحت الثره

ولنها أمك يا جسام اميسره

وإجت ليك امن اليسر تاليها

 

اتحوم كل وحده ابگبر واليها

 

 

 

وهاي أم الطفل تنشد طفلي وين

علي يگل الها على صدر لحسين

هوت فوگ الگبر لن تهمل العين

اتريد منه ارضيعها ايراويها

 

اتحوم كل وحده ابگبر واليها

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017