أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » يحسين إوياك إتعاهدنه
 الشعر الشعبي

المقالات يحسين إوياك إتعاهدنه

القسم القسم: الشعر الشعبي الشخص الكاتب: السيد سعيد الصافي التاريخ التاريخ: ٢٠١٩/٠١/٢٦ المشاهدات المشاهدات: ١٦٥ التعليقات التعليقات: ٠

يحسين إوياك إتعاهدنه

السيد سعيد الصافي

يحسين إوياك إتعاهدنه

 

يحسين إوياك إتعاهدنه

 

 

 

عهد إرجال الما تتغير

وبفكر الظالم تتأثر

ربانه وعلمنه المنظر

فكرك نهجك يا قائدنه

 

يحسين إوياك إتعاهدنه

 

 

 

منك يحسين إتعلمنه

وللذل ما يوم إستسلمنه

ونذكر دمك نرخص دمنه

وعالعز يحسين إتعودنه

 

يحسين إوياك إتعاهدنه

 

 

 

يحسين الأم الرضعتنه

وإكبرنه وكبرت عزتنه

حبك أفكارك غذتنه

وهذا الموقف من مولدنه

 

يحسين إوياك إتعاهدنه

 

 

 

وإشلون إنوصف لك حبنه

وإنحس إبصوتك ينذبنه

وبمنهاجك شمعه ودبنه

وبأخذ الثار يناشدنه

 

يحسين إوياك إتعاهدنه

 

 

 

وإنشوفك يا أشرف ثائر

وجه الماضي ووجه الحاضر

يا صوت الوجدان الهادر

ودوم إويه الإحساس إيشدنه

 

يحسين إوياك إتعاهدنه

 

 

 

رغم الغربه إنعيش إبقربك

وإنقص جذم الزل عن دربك

سلم السلمك حرب الحربك

ومحد يقدر يستعبدنه

 

يحسين إوياك إتعاهدنه

 

 

 

يحسين إيظل ذكرك خالد

رغم الظالم رغم الحاقد

ودرب الطف لليوم الشاهد

ولا خوف ولا موت الردنه

 

يحسين إوياك إتعاهدنه

 

 

 

كل عام إيمر وأنصارك

تتكاثر تقصد زوارك

متحزمه إبعزمك وأفكارك

وإتصيح إنضحي اشما عدنه

 

يحسين إوياك إتعاهدنه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017