أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » عالغاضريه الظعن لمن أشرف
 الشعر الشعبي

المقالات عالغاضريه الظعن لمن أشرف

القسم القسم: الشعر الشعبي الشخص الكاتب: جابر الكاظمي التاريخ التاريخ: ٢٠١٨/٠٨/٢٦ المشاهدات المشاهدات: ١٦١٤ التعليقات التعليقات: ٠

عالغاضريه الظعن لمن أشرف

جابر الكاظمي

عالغاضريه الظعن لمن أشرف

ابيا حاله وبيا عين صدوا للطف

حالة حزن مرت وما تتوصف

كل طفله نسمعها اتصيح رووس الأهل جبناها

 

 

 

وصلوا وشافوا جابر الأنصاري

اتلگاهم ودمع النواظر جاري

يصرخ وينشر فوگ راسه الذاري

ابدمعه ومناحه وآهات للعايله اتلگاها

 

كل طفله نسمعها اتصيح رووس الأهل جبناها

 

 

 

خاطبه السجاد ابمسيل المدمع

يا جابر اهنا جسم أبويه اتگطع

واهنا علي الأكبر وگع بالمصرع

واهنا يجابر أجساد داري الترب واراها

 

كل طفله نسمعها اتصيح رووس الأهل جبناها

 

 

 

واهنا يجابر جسم جسام إنصاب

طفوا شموعه وصارت الحنه إخضاب

واهنا نحر عبدالله صابه النشاب

واهنا يجابر أبدان برواحنه إدفناها

 

كل طفله نسمعها اتصيح رووس الأهل جبناها

 

 

 

واهنا يجابر للحرم سلبوها

واهنا خيمنه ابنارهم حرگوها

واهنا شفت أطفالنه ايسحگوها

چم طفله من بين الخيل تركض وجريناها

 

كل طفله نسمعها اتصيح رووس الأهل جبناها

 

 

 

ما گلت لي يا جابر قمر هاشم وين

عفناه يم المشرعه ابلا چفين

عفناه وعفنه السهم نابت بالعين

ورايته وسيفه والجود اويه اچفوفه ودعناها

 

كل طفله نسمعها اتصيح رووس الأهل جبناها

 

 

 

رحنه ابيسر يا جابر وعفنه ابدور

واليوم جينه وشفنه بالطف اگبور

دنيانه ظلمه اعلينه من عگب النور

من اليسر ردينه اليوم والرووس رديناها

 

كل طفله نسمعها اتصيح رووس الأهل جبناها

 

 

 

هاي الحرم رجعت ابمدمع مسفوح

كل وحده گعدت يم گبر والي اتنوح

زينب تصيح ابگلب دامي ومجروح

يا كربله ابدمع العين وديانج ارويناها

 

كل طفله نسمعها اتصيح رووس الأهل جبناها

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017