أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » ليش يدهري... شلك أعليه
 الشعر الشعبي

المقالات ليش يدهري... شلك أعليه

القسم القسم: الشعر الشعبي الشخص الكاتب: أحمد العبادي التاريخ التاريخ: ٢٠١٨/٠٧/٣٠ المشاهدات المشاهدات: ١٣٩٩ التعليقات التعليقات: ٠

ليش يدهري... شلك أعليه

أحمد العبادي

ليش يدهري شلك أعليه

بس أنادي بدمعتي

 

مو خلص صبري أرحم شويه

وياهو ليسمع شكوتي

أرحم شويه

 

 

 

أتعلمت همي... من صبر أمي... وأنحنى ضلعي
أذكر الزهرة... وأسچب العبرة... ولا نشف دمعي
أحسب أمن الباب... چم جرح وأمصاب... وأندب وأنعي
ونتي بصدري... شوف يدهري... وأرحم الوضعي

أمن الضلع تبدي وللغاضرية

وأنظر الروؤس أخوتي

 

ولازلم عندي بغربه مسبية

وياهو ليسمع شكوتي

أرحم شويه

 

 

 

هاك أخذ بلواي.. وعد يدهري أوياي.. بلكن أتعدها
وأحسب أجروحي.. الهدمت أصروحي.. وحرت بضمدها
صوب البسمار.. بضعة المختار.. وتنزف بعدها
وطبرة الكرار.. من بعدها أشصار.. خلى أشيسدها

وبالحسن بعده شفت الرزية

والله گطع چبدتي

 

أمن أنمرد چبده أبسم المنية

وياهو ليسمع شكوتي

أرحم شويه

 

 

 

مستمر نوحي.. وساكن بروحي.. وأنظر لحالي
أمن الضلع لليوم.. والگلب مهضوم.. ومنشده بالي
منه أدير العين.. لنحر أخوية أحسين.. وچم نحر غالي
أنا چم نحر مگطوع.. يادهر مرفوع.. ابرمحة يبرالي

من بعد خدري أشدولبت بيه

أميسرة وعد شامتي

 

أوگف بيسري عد بني ميه

وياهو ليسمع شكوتي

أرحم اشويه

 

 

 

ابكربلة أويا الرأس.. جيت يعباس.. وذابلة أجفوني
وين أبو النوماس.. شعتذر للناس.. من ينشدوني
بالغاضرية.. أبحرم مبتلية.. أبغربة عفتوني
ورأحت مسبيه.. وشسده عليه.. وشاهدة أمتوني

وين خدري وين والگمر وينه

شلون أرد لديرتي

 

وين أخويه حسين أبحسرة ردينه

وياهو اليسمع شكوتي

أرحم شويه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017