أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » يحادينه يحادينه على هونك يحادينه
 الشعر الشعبي

المقالات يحادينه يحادينه على هونك يحادينه

القسم القسم: الشعر الشعبي الشخص الكاتب: السيد سعيد الصافي التاريخ التاريخ: ٢٠١٨/٠٦/٣٠ المشاهدات المشاهدات: ١٤٩٧ التعليقات التعليقات: ٠

يحادينه يحادينه على هونك يحادينه

السيد سعيد الصافي

يحادينه يحادينه

نريدك للغري إتمرنه

 

على هونك يحادينه

عتب عدنه اويه والينه

 

 

 

يحادي الخاطره مكسور أصعب كل كسر كسره
وگلب الفاگد أحبابه كل دگه التدگ حسره
گبل ما تدخل الكوفه إبونه مر على گبره
نريد نشوف والينه بعده امچتف ابصبره

يصد لينه يصد لينه

خلي إيشاهد اعياله

 

علي إنريده يصد لينه

عتب عدنه اويه والينه

 

 

 

علي يا حاضر الشده عن طف كربله وينك
جريب ومو بعيد اعليك درب البينه وبينك
يا حامي الحمه ردناك تشوف اعيالك ابعينك
من رد المهر خالي وگطعوا منحر حسينك

يحامينه يحامينه

ما ظل كل حمه عدنه

 

تنطرنه يحامينه

عتب عدنه اويه والينه

 

 

 

شعورك يا علي ايجرحه إذا طول عتبنه اوياك
يبونه عيلتك احنه ولذنه ابشيمتك وحماك
وانت عنك المعروف تحضر شدة الينخاك
من هجمت علينه الخيل يا حامي الدخل ردناك

تنخينه تنخينه

يضربونه العده وإنصيح

 

ابعسر طحنه وتنخينه

عتب عدنه اويه والينه

 

 

 

نار وخيل حاطتنه وما ظل كل حمه يمنه
الخيل اتسحگ الأطفال النار اتوجر اخيمنه
هذا ابصوته يضربنه وذاك ابحقد يشتمنه
وهذا اليشتمت بينه وقصده يريد هضمنه

بواچينه بواچينه

بعد غير البچي اشعدنه

 

دمع من دم بواچينه

عتب عدنه اويه والينه

 

 

 

يحيدر شوغت المهضوم تتفسر ألم واعتاب
مثل احجاب عفتنه ما يوم اليصير إحجاب
سبايه ندخل الكوفه هذا الما كو مثله امصاب
ونسمعها تگول الناس هاي اعيال داحي الباب

يبارينه يبارينه

وتتفرج علينه الناس

 

العدو الشامت يبارينه

عتب عدنه اويه والينه

 

 

 

أيام السبي اعلينه يحيدر أصعب الأيام
من كثر الهضم والنوح بينه اجروح ما تلتام
زينب عوض عن عباس متكفله حرم وأيتام
عگب كافلها أبو الغيره ولنها ابولية الظلام

عگب عينه عگب عينه

خلاها ابگلب محتار

 

ابيسر راحت عگب عينه

عتب عدنه اويه والينه

 

 

 

إخوها الكل وكت يمها ويفيض اعليها معروفه
گلبها گطع ابتوته الزمان الگطع إچفوفه
بعد ذاك الخدر زينب إيديها ابحبل مچتوفه
ذكرت لوعت المحراب لمن طبت الكوفه

نياشينه نياشينه

ومنه نشتكي لليوم

 

الجرح لسه نياشينه

عتب عدنه اويه والينه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017