أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات جنة عدن قصدنه

القسم القسم: الشعر الشعبي الشخص الكاتب: هيثم سعودي الكربلائي التاريخ التاريخ: ٢٠١٨/٠٦/٣٠ المشاهدات المشاهدات: ١٤٤٩ التعليقات التعليقات: ٠

جنة عدن قصدنه

هيثم سعودي الكربلائي

جنة عدن گصدنه

مشايه نرفع مستهل

 

وبروضتك وعدنه

حيا على خير العمل

يا حسين

 

 

 

الجنة عدن رف الگلب والجنه روضة كربله
ليها اعتنينه وعالمتن رايتنه تخفق بسمله
عن صادق العتره ابشغف نذكر حديثه ومجمله
الزاير قبر جدي كمن زاير عرش رب العله

والقاصد الإمامه

وينزهه العزّ وجل

 

حضى ابهاي الكرامه

حي على خير العمل

يا حسين

 

 

 

قبر الولي صرح المجد ما اروعه وما اعظمه
عطر الجنان ايغسله وتحفه املاك السمه
نفحة عبيره من تهب تهدي لكريات الدمه
غيره وعزيمه ومرجله نخوه وحميه ومكرمه

لمن يهب عبيره

وتخط على لوح الأزل

 

تتبارك المسيره

حي على خير العمل

يا حسين

 

 

 

راعي القيم ما تقيمه قبه ومناره ومقبره
اسمه على ساق العرش اعظم مكانه ومفخره
نقصد له نحيي سيرته ونسمع صداه من منحره
عمري وعيالي واخوتي فدوه لعظيم المقدره

عن معرفه وعقيده

بالدم كتب حين انقتل

 

خط ابدمه وريده

حي على خير العمل

يا حسين

 

 

 

ابكل خطوه نمشي لروضته نستلهم العز والابه
نتوافه بالبر والوفه روح الخصال الطيبه
مرقد ولينه من يهل تهمل مدامع لاهبه
تاخذنه روجات الأسى دمع الوفاء يخاطبه

ياسيدي لمصابك

يهتف دمعنه لو نزل

 

نتعفر ابترابك

حي على خير العمل

يا حسين

 

 

 

ياملهم ارباب الفكر زوار اجينه نبايعك
طفنه بضريحك والحزن خذنه بأنين المصرعك
كلمت ألا من ناصرٍ چن رددتها ونسمعك
صحنه يمظلوم بقهر ياليتنا كنا معك

ياملهم البرايه

ونردد بسوح الأجل

 

ياليتنا الضحايه

حي على خير العمل

يا حسين

 

 

 

بالطف منعنه لنصرتك بُعد الزمن والفاصله
لكن علينه هالعهد دربك يضامي انواصله
رحم العقيده امواصلك ماتنگطع هاي الصله
دنيانه انته وآخره دار الشفاعه كربله

واعرفنه بالإطاعه

النه بشفاعتكم أمل

 

تتحقق الشفاعه

حي على خير العمل

يا حسين

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017