أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » لا تاخذ إستخاره عن واجب الزياره
 الشعر الشعبي

المقالات لا تاخذ إستخاره عن واجب الزياره

القسم القسم: الشعر الشعبي الشخص الكاتب: السيد سعيد الصافي التاريخ التاريخ: ٢٠١٨/٠٦/٣٠ المشاهدات المشاهدات: ٩٢ التعليقات التعليقات: ٠

لا تاخذ إستخاره عن واجب الزياره

السيد سعيد الصافي

لا تاخذ استخاره

عوف اليگلك مستحب

فوگ العرش اسمه انكتب

 

عن واجب الزياره

حُسين حُسين حُسيناه

حُسين حُسين حُسيناه

 

 

 

بالأصول الخمسه موجودة الإمامه
واليگلك مو فرض اترك كلامه
منهو أكبر من رسول الله بمقامه
لليزور حسين أخبرك باهتمامه

گال النبي اليزوره

سبط الرسول المنتجب

فوگ العرش اسمه انكتب

 

گدامه يسعي نوره
حُسين حُسين حُسيناه
حُسين حُسين حُسيناه

 

 

 

حجة الهادي النبي تدري ابفضلها
لليزور حسين تسعين ابمثلها
هذي فرصه ولا تفوتك واستغلها
والتشك بزيارتك لا تصغي إلها

والصادق بيقينه

للمعتقد أول سبب

فوق العرش اسمه انكتب

 

يضمن سلامة دينه
حُسين حُسين حُسيناه
حُسين حُسين حُسيناه

 

 

 

چم روايه اموثقه ومسند خبرها
عن علي وعن فاطمه ناخذ أمرها
بيها فضل ازيارة حسين وأجرها
منه نتبره الجحد بيها ونكرها

مثل الصلاة فرضها

زواره و اعلينه وجب

فوق العرش اسمه انكتب

 

ملعون اليعترضها
حُسين حُسين حُسيناه
حُسين حُسين حُسيناه

 

 

 

دعوة الصادق إذا انت اسمعتها
هالزياره ابيوم واحد ما عفتها
ربي ارحم هالوجوه اللي شفتها
ذبلت وشمس الظيره غيّرتها

أرفع إلك دعائي

ربي ارحم الصوته نذب

فوق العرش اسمه انكتب

 

يالرحمتك رجائي
حُسين حُسين حُسيناه
حُسين حُسين حُسيناه

 

 

 

والرضه ايقول الذي ثابت يقينه
يقصد الجدي ويزوره بأربعينه
عالصراط انعبره واحسابه اعلينه
وجهه أبيض ياخذ اكتابه بيمينه

واليقصد بقناعه

عند الله ما يرجع طلب

فوق العرش اسمه انكتب

 

مضمونه له الشفاعه
حُسين حُسين حُسيناه
حُسين حُسين حُسيناه

 

 

 

يالعقدت النيه وحسين اعتنيته
تدري كل خطوه بألف درب المشيته
عالوجن كل قطره من دمع البجيته
بيه عطش قلب الذبيح انت رويته

يالزاير وأريدك

يالحبك ايزيل التعب

فوق العرش اسمه انكتب

 

طول الدرب نشيدك
حُسين حُسين حُسيناه
حُسين حُسين حُسيناه

 

 

 

يالقضيتك أصبحت أشرف قضيه
جدد البيعه الشهيد الغاضريه
صيح أبد ما نركن الظلم آل أميه
لو ضحيه ابكربله تتبع ضحيه

ما يرتفع علمنه

نال بجهاده أعله الرتب

فوق العرش اسمه انكتب

 

لو ما نضحي دمنه
حُسين حُسين حُسيناه
حُسين حُسين حُسيناه

 

 

 

من أجلنه الضحه بعياله ورضيعه
انطه نحره وثبّت أحكام الشريعه
نقسم بجرح الوصي وضلع الوديعه
حبه أغله من الدماء وما نبيعه

وينه اليداعي ابثاره

ثار الإمام المرتقب

فوق العرش اسمه انكتب

 

ذوله احنه بإنتظاره
حُسين حُسين حُسيناه
حُسين حُسين حُسيناه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017