أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » يا باالفضل... ضعنك رجع
 الشعر الشعبي

المقالات يا باالفضل... ضعنك رجع

القسم القسم: الشعر الشعبي الشخص الكاتب: أبو علي الناصري التاريخ التاريخ: ٢٠١٨/٠٥/٢٩ المشاهدات المشاهدات: ٢٠٤ التعليقات التعليقات: ٠

يا باالفضل... ضعنك رجع

أبو علي الناصري

يا با الفضل... يا باالفضل

 

ضعنك رجع من اليسر

 

 

 

يا كعبة وفه يم النهر شفناك
سعينه ابين إخوك وبينك وطفناك
شعار الخوه للعالم نشر يمناك
يا عباس خطيته ابنزيف ادماك

ظل للأمم

شامخ يظل وي كل عصر

 

إسمك علم
ضعنك رجع من اليسر

 

 

 

يبو الغيره إجيتك خويه يا وفاي
وجبت ظعن اليتامه الكربله وياي
أريد أشكي الجره من دنيتي واعداي
الأثر باقي يخويه ابيسرتي ويمناي

طول الدرب

واليبره لظعوني زجر

 

المدمع يصب
ضعنك رجع من اليسر

 

 

 

لا تستغربه صوتي اذا اسمعته
يخويه غيره ضيم التحملته
چا شتگول لو حالي يخي شفته
اليسر ما تدري بيه اشلون خصلته

ايجرح الجفن

ما يمنع ادموع الصبر

 

دمع الحزن
ضعنك رجع من اليسر

 

 

 

إجيت ابهمي تعثر ناگتي كل ساع
لگيتك تاركه اچفوفك أثر عالگاع
چف بيه السلام وچف أشوفه اوداع
دلالي اوياك يا عباس أبد ما ضاع

يا هيبتتي

ما صدق ايضمك گبر

 

ودرع إخوتي
ضعنك رجع من اليسر

 

 

 

أدري اتحسب ابزينب يواليها
ومن يكفل يتامه ومن يباريها
ويا هو اللي يرد بيها لهاليها
وياذيك العتب خويه وبواچيها

اشلون الظعن

يصعب علينه هالأمر

 

ايرد للوطن
ضعنك رجع من اليسر

 

 

 

أودعنك يشمعة ناظري ابونه
وبلا عباس عمري ما أريدنه
نشف نبع الأخوه الأرتوي منه
اشلون أنساك وأمشي واگطع الظنه

ما ظل أمل

وكسر الگلب ما ينجبر

 

عقب الأهل

ضعنك رجع من اليسر

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017