أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات من يوم عنك مشينه

القسم القسم: الشعر الشعبي الشخص الكاتب: الشيخ عبد الحسين أبو شبع التاريخ التاريخ: ٢٠١٨/٠٥/٢٩ المشاهدات المشاهدات: ١٤٠٢ التعليقات التعليقات: ٠

من يوم عنك مشينه

الشيخ عبد الحسين أبو شبع

من يوم عنك مشينه

والنوم ما مر علينه

 

لليوم هالحرگه بينه

لليوم هالحرگه بينه

 

 

 

يحسين هاي إختك إجت إتخبرك
هاي الذي شافتك گطعوا نحرك
هاي الذي شافتك داسوا صدرك
هاليوم ردت ليك وإنت إبگبرك

وإتصيح من واره جسمك

إبهالحال وإتفارگينه

 

خليت جسمك إبدمك
لليوم هالحرگه بينه

 

 

 

خويه عفت نحرك نزف منه الدم
خويه عفت صدرك إبخيل إمهشم
والجسم عفته يا حسين إمخذم
وكت الدفن يابن أمي إشلون إلتم

بسيوف جسمك تطبر

عفناه وإموذرينه

 

برماح جسمك توذر
لليوم هالحرگه بينه

 

 

 

عفنه على كل جسمك إسهام إعداك
راحت يخويه واللي دفنوها إوياك
ومگطوع إصبعك خويه رد اليمناك
ابطف كربله ابهذا الوضع فارگناك

وأنخاه ردت اليدفنك

وإمشيت خويه إبضعينه

 

يحسين طردونيعنك
لليوم هالحرگه بينه

 

 

 

يحسين هاي أم الرضيع إبكتري
تنشدني وإتزيد الحرگه إبصدري
هالطفل وين إندفن بيه ما تدري
مشبوحه العيون إبدمعها اليجري

يا خوي گلي شگلها

وإعليه من يدلينه

 

إبيا گاع دفنوا طفلها
لليوم هالحرگه بينه

 

 

 

وهاي أم الأكبر تنشد إعله الأكبر
إهنا إبني خليته تقول إموذر
إهنا إبني خليته بدماه إمعفر
إتعاين المصرع گامت وتتحسر

وإهنا شافت إجروحه

وشصار من عگب عينه

 

وإهنا فارگت روحه
لليوم هالحرگه بينه

 

 

 

وجسام هاي أمه الذي حرموها
من شوفته وعن جثته منعوها
إتنادي ولونكم يخوتي إتسمعوها
إهنا شمعة إبني ابهالأرض طفوها

جسام حرموني منه

واليوم يوم أربعينه

 

للشام مشوني عنه
لليوم هالحرگه بينه

 

 

 

يحسين إجينه من يسرنه بألالام
وإنريد نحچيها وتذكرنه أيام
تنعرض گامت بالمصارع أجسام
تنعرض گامت نار تلهب بخيام

ابهالگاع ذبحوا زلمنه

وإردود ليها لفينه

 

ابهالگاع حرگوا خيمنه
لليوم هالحرگه بينه

 

 

 

ما أنسه يبن أمي الوصيه إگبالي
من گلت من بعدي إحفظي إعيالي
من گلت من بعدي إحرسي أطفالي
حته العدو سالت إدموعه الحالي

إويه الخيل أركض إبصبري

الوجعان محد يعينه

 

والنار بثيابي تسري
لليوم هالحرگه بينه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017