أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات ماريد جنة عدن

القسم القسم: الشعر الشعبي الشخص الكاتب: جبار البطاط التاريخ التاريخ: ٢٠١٨/٠٤/٣٠ المشاهدات المشاهدات: ١٦٠٢ التعليقات التعليقات: ٠

ماريد جنة عدن

جبار البطاط

ماريد جنة عدن

 

رايد أزورك يحسين

 

 

 

بالطف يمن لجلي نزف وريدك
تعتقني لاخليني وي عبيدك
ماريد جنة عدن انته اريدك
يامن حياتي كلها صارت بيدك

لوجان عمري الثمن

 

رايد أزورك يحسين

 

 

 

من عمري لوبس يوم باقي منه
مشاي أزورك بيدي رايه أتمنه
أي والله ماعندي طمع بالجنه
كل همي بس لمرقدك اتعنه

أهواك انته لأن

 

رايد أزورك يحسين

 

 

 

لاما أزورك حته ماهي أبفكري
معروف عاشق حضرتك من زغري
كل الخلك والدنيا بيه تدري
لزيارتك قدمت عمري ونحري

وتعنه لابس جفن

 

رايد أزورك يحسين

 

 

 

رايد ازورك منهو جا يمنعني
انه ادري زين الناصبي يسمعني
موجفي بس انطي خل يذبحني
يعرفني كدهه أوصلك يعرفني

بغربه واشوفك وطن

 

رايد أزورك يحسين

 

 

 

وجهت وجهي لكربله بأنظاري
ودعت أهلي وطلعت من داري
مشاي أجيتك والدمع دم جاري
وللناس ظلت خلفي تحجي أثاري

صحت وسمعني الزمن

 

رايد ازورك يحسين

 

 

 

يشهد علينا مرقدك ماعفناه
مايطفه جمر أمحبته اشما زرناه
رغم النواصب والحقد نتعناه
عاهدنه أمك فاطمه ماننساه

وكل شيعي ناده وعلن

 

رايد أزورك يحسين

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017