أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات أيها الصبح تنفس

القسم القسم: الشعر الشعبي الشخص الكاتب: حاتم صابري الكاظمي التاريخ التاريخ: ٢٠١٨/٠٤/٣٠ المشاهدات المشاهدات: ٢٢٥ التعليقات التعليقات: ٠

أيها الصبح تنفس

حاتم صابري الكاظمي

(أيها الصبح تنفس)

والمسيرة والمسيرة

 

أبتدة الزحف المقدس

نحو كربلاء

 

 

 

اتنفس اعطور الغيارة ياصبح من تبزغ الهه
اجهنم ايطفيهه والله تراب التدوسةابرجلهه
ولعطر خطوت مسيرتهه انتشي
يفوح احله امن الورد وكت المشي

وبجناحاته ابمشيهه

حته توصل احله ديرة

 

فطرس ايظلل عليهه

نحو كربلاء

 

 

 

(والضحى والليل) تبقى تمشي تمشي الرافضية
(ولسوف) ينطي ربك منزلة لهاي البرية
ولسمائك نورهه من يتضح
تشوف كل واحد گمر حته الصبح

احله من عندك ضياهه

من الجفوف الكلهه غيرة

 

من ابو فاضل ضواهه

نحو كربلاء

 

 

 

ياصبح نورك يغادر لو (سجى) ليلك عليهه
حتة ليلك من يعسعس والله ما تكطع مشيهه
بلا مشي لحسين عالدنية السلام
العمر لو مابي مشي انعيشه حرام

هالمشي لأهل الشعائر

تبقه تبقه هالشعيرة

 

أسمه أكسير الضماير

نحو كربلاء

 

 

 

ياصبح شمسك سوادة لياسبب جاوب حنيني
شمسك يغطيهه والله بالمشي الشعب الحسيني
كربلة لو عالشمس نفرض فرض
مشي تتعنه الكواكب والارض

عالگمر لوشيعة تسمع

الخطوة الاوله والاخيره

 

لكربله مشاية تطلع

نحو كربلاء

 

 

 

ياصبح حته هوائك من سمائك شي طبيعي
لو لمس خطوة بمشيهه حتما يسموني شيعي
وبسمائك كلشي ياصبح العله
كلشي مشاية يجيهه لكربلة

كلشي بالدنية تأهب

بالظعن ترجع أميرة

 

ينتظر للحرة زينب

نحو كربلاء

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017