أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات إبيا حال من عفتوني

القسم القسم: الشعر الشعبي الشخص الكاتب: الشيخ عبد الحسين أبو شبع التاريخ التاريخ: ٢٠١٨/٠٣/٢٨ المشاهدات المشاهدات: ١٤١٩ التعليقات التعليقات: ٠

إبيا حال من عفتوني

الشيخ عبد الحسين أبو شبع

ابيا حال من عفتوني

إميسره للشام

 

يحسين فارگتوتي
رحت بالأيتام

يحسين فارگتوتي

 

 

 

يحسين شحچي لك وكل گلبي إجروح
ولو غيري ما لليوم ظلت بيه روح
بالسهر گضيت أربعينك والنوح
من چان يدري العائله إيساره إتروح

بخيال ما شافوني

ولني مسبيه

 

وبصوت ما سمعوني
عد بني ميه

يحسين فارگتوتي

 

 

 

وإشلون شاعت يا غيور الأخبار
زينب الكبره إمخدرة حامي الجار
تمشي يسيره إبولية انذال أشرار
لو چنت حي يحسين هذا ما صار

ما چان يتولوني

الأهل مو يمي

 

الأنذال ويهضموني
وضعت يبن أمي

يحسين فارگتوتي

 

 

 

شتشوف خويه الگوم عدنه شتشوف
أيتام تتلاعه وحرم گلها إبخوف
وشافت كفيل الضعن ما عنده إچفوف
شافت عليل إويه الأرامل مجتوف

وإشلون يحترموني

هيبتي عباس

 

عدوان ميهيبوني

ما عليه ظل راس

يحسين فارگتوتي

 

 

 

ذاك الأخو اللي چان راصد خدري
عالنهر ودعته إبمدامع تجري
راحت الرايه والأخو ما يدري
من عگب چفه چف عدوه إبصدري

وإسياط فوگ إمتوني

صوت روعني

 

بچفوف ذل دفعوني

إچفوف تدفعني

يحسين فارگتوتي

 

 

 

سوط اليجيني إبچفي گمت أتلگاه
وأنخه أبو فاضل ولمن أنخاه
إيگلي العدو فوگ النهر خليناه
إچفوفه گطعناها الراس إهشمناه

شمّات ويحاجوني

گمر هاشم طاح

 

بإلسان شر نادوني

عالشريعه وراح

يحسين فارگتوتي

 

 

 

لو صحت يحسين بألم صاحوا وين
حسين التندبيه عالرمح راس حسين
وأشبح له عد راسك يبو اليمه العين
وناديت يبن أمي عفتني ما بين

هالناس ما رحموني

وبشماتتهم

 

وإنخيت ما حشموني
غدت وليتهم

يحسين فارگتوتي

 

 

 

يوگف اگبالي الشمر ما يتهيب
إيناديني چا وين إخوتچ يا زينب
عريسكم وينه إبدماه إمخضب
حوفة زفافه إبنار گامت تلهب

يحچون ويذكروني

يذكروني إشموع

 

إيعيدون إشما راوني
عرس صار إدموع

يحسين فارگتوتي

 

 

 

إيروح الشمر غير الشمر يلفيني
يسألني وين الأكبر إيحاچيني
إيذكرني ابشاب النظرته إبعيني
وإلمست طبرات الجسم بيميني

هالشاب بيه فجعوني

ما نسيت إمصاب

 

لليوم بين إعيوني

كل أخو كل شاب

يحسين فارگتوتي

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017