أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات زوارك وصلت يم قبرك

القسم القسم: الشعر الشعبي الشخص الكاتب: ثامر السراج الكاظمي التاريخ التاريخ: ٢٠١٨/٠٣/٢٨ المشاهدات المشاهدات: ٢٨ التعليقات التعليقات: ٠

زوارك وصلت يم قبرك

ثامر السراج الكاظمي

زوارك وصلت يم گبرك

يا والينه

 

ليش إحنه إنشوبح بالعين

ننشد جينه

ليش إحنه إنشوبح بالعين

 

 

 

نسألك يا أبو السجاد ومنك ننتظر لجواب
ولو عالخد دمعنه هل لا تحسبها علينه إعتاب
سؤال ويمك إجوابه وكل عله لها أسباب
ليش إحنه بقينه إنلوب نشوبح والدمع سجاب

تعلم ما تحتاج إنخبرك

ردنه إنشوفك

 

إبحسرتنه تعلم يحسين
ردنه إنطوفك

ليش إحنه إنشوبح بالعين

 

 

 

گضينه إسنين نتحسر نشوبح لك يقبلتنه
نشوبح والجفون إتفيض صفت سلوتنه دمعتنه
الوفه بينه طبع يحسين إلك لهابه غيرتنه
جذرنه متصل بيكم إنتوا سر حقيقتنه

ابكل شيعي يتلاهب جمرك

منكم إحنه

 

يلهب من بدأ التكوين
إبمدمع صحنه

ليش إحنه إنشوبح بالعين

 

 

 

تحسرنه عليك إهواي من خان الزمن بينه
الزمن مو صدفه غرّبنه ولا صدفه غدر بينه
تأكدنه الحصل محسوب الإراده بيد مهدينه
رفعنه رآيه لمصابك واتحدت أيادينه

اشما نبعد ما ننسه ذكرك

شلنه الرآيه

 

وإنهز العالم صوبين
وعدنه إحجايه

ليش إحنه إنشوبح بالعين

 

 

 

ملايين اعتنت يمك يا بخته الوصل يمك
نشوف ونسكت وننحب ونصيح الحسره لتهمك
عذاب إفرگك إنحمله بس ترضه علينه أمك
ونتمنه تسجلنه إبسجلها ويه اللي يخدمك

للموت إنظل نحيي أمرك

إنظل نتحمل

 

وإنفوز إبخير الدارين
وإنظل نسأل

ليش إحنه إنشوبح بالعين

 

 

 

وحگك يا أبو السجاد يمأجج مشاعرنه
نحسك بالنبض موجود ونحسك في ضمايرنه
ونشوفك يمنه منته إبعيد يا واهب بصائرنه
بس هالعين ما ترتاح مدمعها يحيرنه

حقها العين إتريد إتنظرك

نطلب نظره

 

مدمعها إيجود إبكل حين
إبجاه العبره

ليش إحنه إنشوبح بالعين

 

 

 

يشيعتنه صعب لفراق مصاب الغربه ياذيكم
إذكروني إبمجالسكم وأنا إبنفسي أجي ليكم
يشيعته الألم محسوب حقيقه خافيه إعليكم
إله الكون من عرشه إعله غيرتكم يحيكم

نصبر يالهيمنه صبرك

نارك تسعر

 

بس لتزيد الفرقه إسنين
يبن حيدر

ليش إحنه إنشوبح بالعين

 

 

 

رفعتوا رآيه خفاقه وعله الرآيه إنطبع إسمي
وأجركم يم شفيعتكم الحبيبه فاطم أمي
إبحشركم إنتوا متحيرون ألمكم بالوفه يمي
يشيعه إهناك ترتاحون وانفض كل ألم همي

يا هنياله اليوگف كترك

إبيوم المحشر

 

هذا الحظ إنجيبه امنين
لا نتحير

ليش إحنه إنشوبح بالعين

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017