أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات بين زينب والعباس

القسم القسم: الشعر الشعبي الشخص الكاتب: السيد زكي الياسري النجفي التاريخ التاريخ: ٢٠١٨/٠٢/٢٨ المشاهدات المشاهدات: ٨١ التعليقات التعليقات: ٠

بين زينب والعباس

السيد زكي الياسري

بصوابك صابوني وفجعوني وهضموني
عباس اتولوني وسلبوني وضربوني

لو تسأل جفني المانام

 

يحجيلك عن الالام

 

 

 

مشى دهر النوايب عاشر ابعاشور.. اعمى وبينه يتعثر
يهاشم بدرك الساطع طفاه الجور.. شوفه اعله الثره امعفر
يهاشم خيل اميه اشداست امن اصدور.. من لب الفخر افخر
يهاشم يا خدر تدري صبح مشهور.. خدر المصطفه الاطهر!

زينب وبأخزاني وميداني وصيواني
محتاره ابرضعاني ونسواني ونيراني

إنشد عباس الضرغام

 

يحجيلك عن الالام

 

 

 

على نوك اليسر من كربله اطلعنه.. للكوفه بألم ساري
يا ريتك شفتنه وشفته مدمعنه.. وبطول الدرب جاري
يعباس ابمغيبك خويه لوَّعنه.. الحادي و يعلم الباري
يعباس الشماته تصرخ اسمعنه.. حسينك علترب عاري

احقاد وصبّوهه وذاعوهه وكَالوهه
اسرار وكشفوهه و فضحوهه وعلنوهه

لو تِسأل جور الايام

 

يحجيلك عن الالام

 

 

 

سبيه وعلهزل يا خويه خلوني.. تقبل يا سديد الراي؟
زينب بت علي ومن عزي حرموني.. ماضن ترضه يا رواي
اميره امعززه بجالك يهابوني.. بعدك من يضل وياي
لو ادري اخسرك يا ضوه عيوني.. ما كَتلك اريد الماي
غدروك وغدروني وحرموني وذلوني
ظلموك وظلموني وفجعوني وخانوني

تبجي بضيعتهه الاحلام

 

تحجيلك عن الالام

 

 

 

يبو فاضل شفت علمشرعه زنودك.. الحرم شافنهن اويايه
وشفت جسمك عفير وعلترب جودك.. طايح منسجب مايه
يلسيفك صواعق يجدح ابزودك.. سيفك وينه والرايه؟
يبو فاضل وسف بالهامه عامودك.. عكَبك طاحت الثايه
وخيامك حركوهه وسلبوهه ونهبوهه
وطفالك رعبوهه وهضموهه ويسروهه

اطفال ابولية ظلام

 

تحجيلك عن الالام

 

 

 

يبن حيدر علي ذاك الدحه خيبر... ذاك الي ضرب مرحب
عكَب عينك يخويه كل كَلب مجمر.. بفراكَك يضل يلهب
عكَب عزهه الفواطم خويه يمشكر.. علضهور الهزل تركب؟
انته الطلعتنه ابهيبة المنضر.. انته اتكفلت زينب

كافلهه اوواليهه وراعيهه وحاميهه
حارسهه اتباريهه وراويهه وساقيهه

تقبل تتيسر للشام

 

تحجيلك عن الالام

 

 

 

عجيبه اشلون صبري ما يمل مني.. شفت اهموم يابو هموم
شفت يا خويه منضر شوفه هدمني.. عكَبه ما حلالي النوم
شفت ضهر الحسين ابوكّعتك محني.. يصرخ للحراير كَوم
سْمَعِتْ ينده يخويه منهو ينصرني.. خويه استوحدوني الكَوم
بغيابك صابوني وذبحوني وغدروني
بخيول اتعنوني وسحكَوني وداسوني

جرد يا خويه الصمصام

 

يحجيلك عن الالام

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017