أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات يا حسين هاي عيالك

القسم القسم: الشعر الشعبي الشخص الكاتب: جابر الكاظمي التاريخ التاريخ: ٢٠١٨/٠٢/٢٨ المشاهدات المشاهدات: ١٤٧٨ التعليقات التعليقات: ٠

يا حسين هاي عيالك

جابر الكاظمي

يا حسين هاي عيالك

يمك لفت خطار

 

يا حسين هاي أطفالك

وبكل قلب تذكار

يا حسين هاي أطفالك

 

 

 

حين الي شافت كربلاء هاج الحزن والنوح

تتذكر بهاي الأرض دم ودمع مسفوح

لخيمها مهرك من رجع يخبرها يا مذبوح
واليها يالي منها رحت محتارة وين تروح

وبيوم قطعوا نحرك

بخيمها شبت نار

 

وبيوم هشموا صدرك

وبكل قلب تذكار

يا حسين هاي أطفالك

 

 

 

تروي لك أخبار السبي متعنية يا مظلوم
من الهضم مثل الكطة بين القبور تحوم
هاي لأبنها تخاطبه يا سلوة أمك قوم
ذيج لأبوها تعاتبه بلوعة وحزن وهموم

ما بين صاحت بويه

دم هلت الأنظار

 

ما بين صاحت خويه

وبكل قلب تذكار

يا حسين هاي أطفالك

 

 

 

الليلة لعي الأكبر أجت يم قبره تشكي الحال
جرحك تقلل بالقلب متوسع وقتال
ورملة يا جاسم ناذته يا شمعة الآمال
وبليلة الزفة طفت من دمعي الهمال

حنيت يا بني لشوفك

طبع الزمن غدار

 

حنيت دم جفوفك

وبكل قلب تذكار

يا حسين هاي أطفالك

 

 

 

يم الرضيع تناديه عبد الله يا رجواي
أقعد أرضعك ذرتي يلما شربت الماي
حرموني منك يا وسف يا دهرتي بدنياي
لا وني بعدك ينقطع لا بطل من بجاي

وشلون أقطع نوحي

ولكل جرح آثار

 

وشلون تشفه جروحي

وبكل قلب تذكار

يا حسين هاي أطفالك

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017